287 पटक पढिएको
बाजुरा- बडीमालिका नगरस्तरीय दलित भुमि अधिकार युनियनले नगर प्रमुख पदम बडुवाललाई लाई ज्ञापन पत्र मार्फत ध्यानाकर्षण गराएकाे छ । सोमबार बडीमालिका नगरस्तरीय भुमि अधिकार युनियनले नगरपालिकाका नगरप्रमुख बडुवाललाई ९ बुँदे माग सहितकाे ज्ञापन पत्र मार्फत ध्यानाकर्षण गराएकाे हो । दलित भुमीहिन सुकुम्बासी अव्यवस्थित बसोबास गरिरहेका नागरिक तथा हलिया खलिया हरुको लागत सङ्कलन गरि यथाशीघ्र मागहरु सम्बोधनका लागि सो ज्ञापन पत्र बडिमालिका नगरपालिकालाई बुझाएको बडिमालिका नगर स्तरीय दलित भुमी अधिकार युनियनका अध्यक्ष प्रेम विश्वकर्माले जानजकारी दिए ।
स्थानिय तहको माध्यमद्धारा आफ्नो स्थानिय तहमा दलित भुमिहिन र सुकुम्बासी र अझैपनी दाषपर्थाको अवशेषमा रहका मुक्त हलियाहरुको अलग पहिचानका साथ लगत संकलन र अद्याबधिक गर्ने काम गरियोस् लगाएतका मागहरु ज्ञापन पत्रमा उल्लेख छन् । यता यि मागहरु सम्बोधन गर्न नगर प्रमुखले आफू प्रतिबद्ध रहेको बताएका छन् । ज्ञापन पत्रमा उल्लेख गरिएका सबै मागहरु जायज भएकाले आफु कटीबद्ध रुपमा अगाडी बढ्ने विश्वस नगर प्रमुख बडुवालले व्यक्त गर्नुभयो । नगर स्तरीय भुमि अधिकार युनियनका अध्यक्ष प्रेम बहादुर बिश्वकर्मा सहित रास्ट्रिय दलित नेटवर्कका प्रतिनिधि काशी नेपाली पुर्ब मार्तडी गाउँ बिकास समिति उपाध्यक्ष किट्टो लवार सहित बडिमालिका नगर स्तरीय दलित भुमी अधिकार युनियनका पदाधिकारीहरुले ९ बुँदे माग सहित नगरपालिकामै पुगेर नगर प्रमुख बडुवाललाई ज्ञापन पत्र मार्फत ध्यानाकर्षण गराएका थिए ।
