318 पटक पढिएको
बाजुरा- बडीमालिका नगरपालिका वडा नं. ९ को वडा कार्यालयमा स्थानीयले ताला बन्दि गरेका छन् ।प्रधानमन्त्री रोजगार छनोटमा वास्तविक गरिवहरुलाई छनोट नगरेको भन्दै बडीमालिका ९ का स्थानीयहरुले वडा कार्यालयमा तालावन्दी गरेका हुन् । यस वर्ष बडीमालिका नगरपालिका वडा नं. ९ मा १ सय ३३ जना रोजगार कार्यक्रमका लागि छनोट गरिएका छन् । तिमध्ये जनप्रतिनिधिहरुका आफन्तहरुलाई मात्रै छनोट गरेको हुदा वडा कार्यालयमा ताला बन्दि गरिएको नेपाली काँग्रेस बडिमालिका नगरपालिका ९ का सभापती मिन थापाले जानकारी दिए।
हरेक वर्ष नेपाल सरकारले बेरोजगार युवाहरुलाइ लक्षित गरि प्रधानमन्त्री युवा स्वरोजगार कार्यक्रम आउन्छ तर ९ नम्मर वडामा राजनितिक पुर्वागही र जनप्रतिनधीका आसेपासेलाई मात्र छनोट गर्ने गरेको सभापती थापाले बताए । बेरोजगार युवाहरुलाई छनोट गर्दा वडाका जनप्रतिनिधिहरुले आफ्नो हैकमबादीका रुपमा छनोट गरेको उनको भनाई छ ।स्थानीयहरुका अनुसार रोजगार छनोटको निणर्य नसच्याईए सम्म वडा कार्यालयको ताला नखोलिने पनि बताइएको छ । यस वर्ष रोजगार छनोटमा जनप्रतिनिधिका आफन्तहरु बढी दोहोर्याइएको स्थानियहरुको आरोप रहेको छ । यति सम्मकी रोजगार कार्यक्रममा नेकपा एमालेका वडा कमिटी अध्यक्ष जंग बडुवाल, सचिव रामबहादुर विश्वकर्मा समेत छनोट भएका खुल्न आएको छ । यता वडा कार्यालयमा तालावन्दी गरेपछि वडाबाट हुने दैनिक कामकाज प्रभावित बनेको छ । यो बिषयमा वडा सचिव गोरख बहादुर रावललाई सोध्दा अघिल्लो बर्ष पनि छनोटमा परेका केही व्यक्तिहरु पुनः छनोटमा परेका कारण बिबाद सिर्जना भएको बताउनु भयाे ।छनाेटमा राजनितिकरण भएको भनि खुल्न आएको कुरा आरोप लगाउन खोजेको मात्र हुन सक्ने उहाँको भनाई छ । आफुहरुले यो बर्ष अघिल्लो बर्ष छनोटमा परेकाहरुलाई छनोट नगर्न सुझाव दिएको पनि उहाँले बताउनु भएको छ ।
