360 पटक पढिएको
बाजुरा– जिल्लाको बढिगंगा नगरपालिका १ नम्मर वडाका स्थानिय बासीहरु बस्ने बास नभएको भन्दै जिल्ला प्रशासन कार्यालय बाजुरा पुगेका छन । आफुहरुको जमिन सबै बाढीले बगाएर लिएकोले शरणर्थीको रुपमा बस्न परेको स्थानियहरुले प्रसासन समक्ष दुखेसो पोखेका छन । साँफे मार्तडी सडक खण्ड अन्तर्गत अम्कोटको पहिरोले गर्दा अम्कोट बासीहरुको उठिबास भएपछी पटक पटक जिल्ला प्रशासन कार्यालयलाई ताकेता गर्दा पनि कुनै किसिमको सुनुवाई नभए पछि शोमबार उनिहरु जिल्ला प्रशासन कार्यालय आएका हुन ।
बस्ने बास नभएकोले आफुहरुलाई सरकारले उचित बस्ने ठाँउको ब्यबस्था गर्नु पर्ने भन्दै अम्कोट बासीहरुले जिल्ला प्रशासन समक्ष ध्यानाकर्षण गराएको स्थानिय लक्ष्मी पाध्यायले बताएका छन । आर्थिक बर्षको कार्तिक महिनामा साँफे मार्तडी सडक खण्ड अवरुद्ध भईरहेका वेला अम्कोट बासीले सढक निर्माण गर्नका लागि कमाई खाने ६० मुरी धान फल्ने जमिन कटाएर सडक निर्माण गर्न दियौं, तर त्यसको क्षेतीपुर्ती केही नदिएको उनले दुखेसो गरे ।
अम्कोटको बस्ती स्थानान्तरण गर्नका लागी जिल्ला विपद व्यवस्थापन समिती बाजुराले अम्कोट बासीको तथ्याक संकलन गरेता पनी आज सम्म यसको कुनै सुनुवाई नभएको स्थानिय पाध्यायको गुनासो छ ।
अम्कोटका २४ परिवार मध्ये ८ परिवारले क्षेतीपुर्ति पाइसकेको र अन्य बाकी परिवारले नपाएको एक स्थानिय भानुभक्त पाध्यायले गुनासो पोखेका छन । यो बिषयमा आफुलाई त्यती थाहा नभएको र स्यानियले गराएको ध्यानाकर्षण पश्चात दिनबाट जति सक्दो चाडो यो समस्या हल गर्ने प्रमुख जिल्ला अधिकारी उपेन्द्रराज पौड्यालले बताउनु भएको छ ।
