406 पटक पढिएको
बाजुरा– संघिय लोकतान्त्रिक गणतन्त्र नेपाल पछिको बाजुरा सदरमुकाम मार्तडीले निकै नै मुहार फेरेको छ । २०७४ सालको स्थानिय निर्वाचन पश्चात बडीमालिका नगरपालिकाको मेयरमा पदम बडुवाल र उपमेयरमा कविता बिष्ट विजयी हुनु भएको थियो । नेपाली काँग्रेसबाट बिजयी उम्म्मेद्वारका प्रतिस्प्रधि नेकपाबाट गगन रावल मेयरका प्रत्यासी र गीता रावल उपमेयरकी प्रत्यासी थिइन ।
समृद्व नगर सुखी नगरवासीको नाराका साथ नेपाली काँग्रेसबाट बिजयी मेयर पदम बडुवाल बिकासको गतिमा बिभिन्न सुत्रहरु प्रयोग गर्दै गए । बिगत दश वर्षिय जनयूद्वबाट पिरोलिएको नेपालले नै मुहार फेरेको छ ।
सुदुरपश्चिमको हिमाली जिल्ला बाजुराको सदरमुकामसँगै जोडिएको नगरपालिका हो बडीमालिका नगरपालिका । जहाँ विकासै विकासले घेरिएको देखिन्छ । स्थानिय सरकार आइसकेपछि बडिमालिका नगरपालिकाले विकासको निकै फड्को मार्याे। जिल्लाको ९ वटै पालिका भन्दा बडिमालिका नगरपालिका विकासको हिसावले हेर्दा निकै अगाडी छ । नेपाल सरकार मन्त्री परिषदको मिति २०७१ साल मंसिर १६ गतेको निणर्य अनुसार बडीमालिकालाई जिल्लाकै पहिलो नगरपालिकाका रुपमा घोषणा गरिएको थियो ।
धार्मिक आस्थाको केन्द्र विन्दु मानिने बडीमालिका माताको नामबाट नगरपालिकाको नामाकरण गरिएको थियो । ९ वटा वडा भएको बडीमालिका नगरपालिकामा ३ हजार १ सय २९ घरधुरी रहेका छन् भने कुल जनसंख्या १७ हजार २ सय २७ रहेको छ । यस नगरपालिकामा झन्डै ३० प्रतिशत घरधुरीहरु गरिवीको रेखामुनी रहेका छन् ।
जिल्लाका ९ वटा स्थानीय तहमध्ये बाजुराको सदरमुकाम मार्तडीसँगै जोडिएको बडीमालिका नगरपालिकामा २०७४ साल असार १४ गते स्थानीय तहको निर्वाचन भएको थियो । असार १७ गते आएको नतिजा अनुसार बडीमालिका नगरपालिकामा नेपाली काँग्रेसका पदम बडुवालले २९ सय ४० मत सहित नगर प्रमुखमा विजयी हासिल गरे ।
उनका निकटतम प्रतिद्धन्दी एमालेका गगन रावल २९ सय २ मत ल्याएर पराजित भएका थिए । त्यस्तै उप–प्रमुखमा काँग्रेसकै कविता कुमारी विष्ट २९ सय ४५ मतसहित विजयी भएकि थिईन् भने उनकी निकटतम् प्रतिद्धन्दी एमालेकी गिता रावल २८ सय ५२ मत ल्याएर पराजित भएकि थिईन् । बडीमालिका नगरपालिकाका मतदातालाई आकर्षित पार्न उनीहरुले नगरपालिकालाई “समृद्व नगर, खुसी नगरवासी बनाउने प्रतिवद्धता जनाएका थिए ।
नगर प्रमुख बडुवाल र उप–प्रमुख कविता विष्टलाई नगरबासीले चुनावी प्रतिवद्धता र घोषणा पत्रमा विश्वास गरेर चुनाव जिताए । त्यी प्रतिवद्धता पुरा गरेको नगरपालिकाको विकासले चिनाउन्छ । निर्वाचन जितेर आईसकेपछि नगर प्रमुख बडुवाल र उप–प्रमुख कविता विष्टले बाचा गरेका थिए , “समृद्व नगर, खुसी नगरवासी ” नगर प्रमुख बडुवालले यसरी त्यी बाचा पुरा गरे , ई–बडीमालिका नगरपालिका , नगरका ९ वटै वडाका स्वास्थ्य संस्था र विद्यालयमा नेटइन्टरनेट सहितको संचार सुविधा प्रत्येक वडामा गरे ।
त्यस्तै उनले उज्यालो बडीमालिका नगरका ९ वटै वडामा विजुली बतिको व्यवस्था गर्नुका साथै गन्तव्य बडीमालिका , नगरका सवै वडाका केन्द्रसम्म सडक संजाल जोड्नुभयो । सफा र सुन्दर बडीमालिका ,मार्तडी बजार भित्रको मुहार परिवर्तनः बजारभित्र खुल्ला सडक , मार्तडी बजार भित्रको फोहर मैला व्यवस्थापन , नगरका सवै वडामा सहरी स्वास्थ्य केन्द्र स्थापना समेत उहाँले गर्नुभयो ।
नगर प्रमुख बडुवालले पाँचवर्षे कार्यकाल भित्र गरिवी निवारणका लागि लघुउद्यम विकास कार्यक्रममा ५ वर्षमा ४ सय नयाँ उद्यमी सिर्जना गरे । सुरक्षित नागरिक आवास कार्यक्रममा १ सय १ जना लाभान्वित भएका छन् । नगरप्रमुख बडुवाल भन्नुहुन्छ बाकी मैले गर्नुपर्ने कामहरु थुर्पै अधुरा छन् । तर पनि नगरपालिकामा आफु आईसकेपछि धेरै विकास भएको बताउन्छन् । यता नगरपालिकामा जनप्रतिनिधि आईसेकपछि जनताका आवश्यकता सबै पुरा नभएपनि केही आवश्यकताहरु पुरा भएको बडिमालिका नगरपालिका वडा नम्मर ३ रजालीकी स्थानिय रमिता खड्का बताउन्छन् ।
रमिता भन्नुहुन्छ स्थानिय सरकार नआउनु भन्दा पहिला हामीले निकै दुख भोग्नु पर्थो , तर स्थानिय सरकार आइसकेपछी हाम्रो बडिमालिका नगरपालिकामा शिक्षा, स्थास्थ्य देखी लिएर सडक , संचार , विजुलीबक्ती लगाएतका कामहरु पुरा भएको बताउन्छिन् । छाउभएको समयमा हामीले घर भन्दा डाढा बस्नु पर्ने अवस्था थियो तर अहिले त्यो बाध्यता नरहेको समेत खड्का बताउन्छन् । यस्तै सोही नगरपालिका वडा नम्मर ५ मनाका राजेन्द्र विकले भने नगपालिकाले विकासको फड्को मारेका बताए ।
मेरो गाँउमा स्थानिय सरकार नआउदा अगाडी निकै समस्या थियो,सडक थिएन् , पानी थिएन् तर स्थानिय सरकार आईसकेपछी सबै समस्या हल भएको बताउनुहुन्छ । गोपाल रावल पनि बडिमालिका नगरपालिका वडा नम्मर ८ का स्थानिय हुन । उनले पनि भने पाँच बर्ष भित्र हाम्रो बडिमालिका नगरपालिका भित्र सबै विकास भएको बताए । केही साना तिन काम नभएपनि प्रायः सबै विकास भएको बताउनुहुन्छ । नगरपालिकाले पाँच वर्षको अवधिमा १० पटक नगरसभा सम्पन्न गरेको छ । त्यस्तै नगर कार्यपालिका बैठक ७९ पटक, कानूनहरु ७१ ( ऐन २९, नियमावली ३, निर्देशिका ८, नीति ३, मापदण्ड २, रणनीति १ र कार्यविधि २५ वटा तयार गरेको छ ।
