बाजुराः स्पोर्टस क्लब सि डिभिजन खेलका लागि बाजुराको रानीवन टिम राजधानी काठमाण्डौ पुगेको छ । चैत्र २९ गतेबाट सूरु हुने सि डिभिजन लिग खेलका लागि खोलाडी टोली काठमाण्डौ पुगेको हो । सि डिभिजन लिग छनोटपछि पहिलो पटक रानीवन सि डिभिजन खेल्न बाजुराबाट राजधानी पुगेको हो । अखिल नेपाल फुटबल संघ (एन्फा) ले आयोजना गर्ने सि डिभिजन लिग खेलका लागि बाजुराको खेलाडी टिम काठमाण्डौ पुगेको हो ।
छनोट खेलमा सहभागि ७८ वटा देश भरका फूटबल क्लब मध्ये रानीवन शिर्ष तीन क्लबको सूचीमा परेर सि डिजिभन खेल्न छनोट भएको हो । सि डिभिजन खेल्न छनोट भएका १४ टिम मध्ये रानीवन सहीत तीन वटा क्लब नयाँ हुन्, भने बाँकी ११ क्लब पुरानै हुन् ।
सि डिभिजन खेल अन्र्तगत रानीवनले पहिलो खेल चैत्र ३० गते स्वयम्भु क्लब काठमाडौंसँग खेल्ने भएको छ । धनगढीको फाप्ला खेल मैदानमा बन्द प्रशिक्षण पछि रानीवन खेलाडी सहीत काठमाडौं पुगेको छ । खेलाडीलाई करिब २ हप्ता लामो समय बन्द प्रशिक्षणमा राखिएको थियो । टिममा अधिकांश खेलाडी बाजुरा जिल्लाकै भएपनि केही सुदूरपश्चिम ११ बाट खेल्ने खेलाडी पनि सहभागि रहन नरेश रोकायाले बताएका छन् ।
खेलाडी बाहेक सिंगो क्लबकै तर्फबाट सि डिभिजन खेल्ने रानीवन सुदूरपश्चिमकै पहिलो हो । सिंगो प्रदेशको पहिचानका लागि पनि सि डिभिजनको महत्व बिशेष रहेको सल्लाहकार रोकायाको भनाई रहेको छ ।
सहभागि १४ क्लब मध्ये अंक तालिकामा पर्ने शिर्ष २ टिम बि डिभिजनमा बढुवा हुनेछन् । भने अन्तिमका २ टिम पुन ः सि डिभिजनबाट बाहिरीने छन् । सुदूरपश्चिमको फुटबल क्षेत्रकै अस्तीत्वको लडाइका रुपमा सि डिभिजनको खेललाई लगिएको क्लबका अध्यक्ष ध्रुब बहादुर रोकायाले बताएका छन् ।
रानीवनले सि डिभिजन छनोटका लागि मात्र २७ लाख बढी खर्च गरिसकेको छ । भने सि डिभिजन खेल्न ३५ लाख बढी खर्च लाग्ने अनुमान गरिएको छ । अघिल्लो छनोट खेलकै ७ लाख बढी रकम ऋणमा रहेको क्लबलाई सि डिभिजन खेल्न आर्थिक रुपमा भने चुनौति हुने देखिएको छ ।
२०६४ सालबाट जिल्लामा खेलकुदका गतिविधी आयोजना गर्दै आएको रानीवनले जिल्ला बाहिरबाट ठुला उपाधी जित्न सफल छ । १४ वर्षको अवधीमा रानीवनले जिल्ला भित्रै २२ बढी आफ्नै आयोजनामा खेल सञ्चालन गरेको छ । भने दुई दर्जन बढी जिल्ला स्तरीय खेलमा भाग लिएको छ ।
जिल्ला बाहिर २ पटक विजेता र २ पटक उपविजेता बन्न सफल रानीवनले कैलाली, डोटी, अछाम र कालिकोट जिल्लामा गएर खेलमा भाग लिइसकेको छ । आवश्यक प्रशिक्षण र लगानी अभावका बीच पनि सुदूरपश्चिमै उत्कृष्ट क्लबका रुपमा रानीवन स्थापित हुन सफल क्लब हो ।
बिशेषतः फुटबल खेलाडीको बेर्ना क्लबकै रुपमा परिचित रानीवनले जिल्लाको खेल क्षेत्रको विकासमा महत्वपूर्ण योगदान पुर्याएको छ । जिल्लामा हुने खेलकुद प्रतियोगिता सँगै आफ्नो स्तर जिल्ला बाहिर पनि स्थापित गर्न सि डिभिजन छनोट खेल्ने अठोट गरेको क्लबले बताएको छ ।