404 पटक पढिएको
बाजुराः नेकपा एमाले बडीमालिका नगर कमिटीले बडीमालिकाको मेयर पदको लागी अमर खड्कालाई सिफारिस गरेको छ । बैठकले नगर प्रमुखका लागि एमाले बाजुराका संगठन विभाग प्रमुख खड्कालाई मेयरकोलागि उम्मेदवारीमा सिफारिस गरेको नगर कमिटी अध्यक्ष धर्मराज पाध्यायले बताएका छन ।
तर, बडीमालिका नगरपालिकाको उपमेयर पदको उम्मेदवारका लागि ३ जना महिलाको नाम सिफारीस गरिएको छ । उपमेयर पदको उम्मेदवारमा सिफारीस हुनेमा दुर्गा रोकाया थापा, सिता बराल थापा र नन्दा थापाको नाम सिफारीस गरिएको छ । अन्यमा कल्पना महत, तुला पाध्या र तुल्छी नाथ गिरीको नाम नेकपा एमाले बडिमालिका नगर कमिटिबाट पठाएको जनाएको छ ।
नगर प्रमुखमा एकल उम्मेदवार बनाउने नेकपा एमाले बडिमालिका नगरपालिका नगर कमिटी दोस्रो पालिका बनेको छ । भने यस अघि बुढिनन्दा नगर कमिटिले पार्टीका उप सचिव जनक बोहोरालाई बुढीनन्दा नगरपालिकाको नगर प्रमुखमा एकल उम्मेद्धार बनाएर सिफारीस गरीसकेको छ ।
पाँच दलिय गठबन्दनका विचमा पनि नेकपा एमाले बाजुराले बहुमतमा सद प्रतिशत पालिका तथा वडा हरु जित्ने हिम्मत गर्दै आएको छ । २०७४ सालको स्थानिय निर्वाचनमा भने नेपाली काँग्रेसबाट पदम बडुवालसंग नेकपाबाट गगन रावल पराजित भएका थिए भने उप मेयरमा नेपाली काँग्रेसबाट कविता बिष्टसंग गीता रावल पराजित भएकी थिईन ।
