338 पटक पढिएको
बाजुरा– नेपाली काँग्रेस बाजुराको बडिमालिका नगरपालिकाको नगर प्रमुखमा धनराज पण्डित र उप–मेयरमा राधिका सिंहलाई उम्मेदवार बनाएको छ । काँग्रेस जिल्ला कार्यसमिती बाजुराले जिल्लाबाट प्रदेशमा सिफारिस गरे अनुसार बडिमालिको प्रमुखमा पण्डित र उप–प्रमुखमा सिंहलाई उम्मेदवार बनाइएको हो ।
आसन्न स्थानिय निर्वाचन आउन करिब १९ दिन मात्र बाँकी रहदा बडिमालिका नगरपालिकाको प्रमुख र उपप्रमुखमा यी दुई जनालाई अगाडी सारिएको हो । नेपाली काँग्रेसका महाधिवेशन प्रतिनिधी समेत रहेका पण्डितलाई पहिलो पटक नेपाली काँग्रेसले प्रमुख पदमा जिम्मेवारी दिएर उम्मेदवार बनाएको हो । त्यस्तैं यता राधिका सिंहल पनी नेपाली काँग्रेस प्रदेश समिती सदस्य हुन । सिंह पनि राजनितिकमा निकै संघर्षपछी सो पदमा उम्मेदार बनाएको हो ।
आसन्न स्थानिय निर्वाचन बैशाख ३० गते बडिमालिका नगरपालिकाको नगर प्रमु्खमा काँग्रेसबाट धनराज पण्डित र एमालेबाट अमर खड्का विच प्रतिशप्रर्धा हुने भएको छ । त्यस्तै उप–प्रमुखमा काँग्रेसबाट राधिका सिंह र एमालेबाट नन्दा थापा विच प्रतिस्प्रर्धा हुने भएको छ ।
यस्तै जिल्लाको वुढिगंगामा रंग खाती, तारा खाति थापा, त्रिबेणी नगरपालिकामा कर्ण थापा, कमला न्यौपाने र बुढिनन्दा नगरपालिकामा पदम कुमार गिरी र रिता साहि उमेद्धारको टुङ्गो लगाएको छ ।
