बाजुरा– लामो समय सम्म समाज सेवपा गर्दै आएकी २३ बर्षिया रिता शाही (रितु) बुढीगंगा नगरपालिकामा उपमेयर पद पाएर चुनावी मैदानमा उत्रिएकी छन । छोटो समय मै आफ्नो बेग्लै राजनितिक छवी बनाएकी शाही नेपाली काँग्रेस बाजुराको सातौँ जिल्ला अधिबेशनबाट महाधिबेशन प्रतिनिधीमा बिजयी भएकी थिइन् । नेपाली काँग्रेस बाजुराले स्थानीय तह निर्वाचनमा मनोनयन गर्ने अन्तिम दिन सम्म दलहरु कस्लाई टिकट दिने भन्ने बिषयमा कर्सतमै थिए । सोमबार मात्र नेपाली काँग्रेस बाजुराले उम्मेद्वारको टुँगो लगाएको हो ।

जिल्लाको साविकको कोटीला गाबि. हालको बुढीनन्दा नगरपालिका मा माइतिघर भएकी शाहीले सानै उमेरमा उप मेयरको टिकट पाएकी हुन । लामो समय सम्म बिभिन्न संघ संस्थामा जागिरे जीवन यापन गर्दै जिल्ला बाल अधिकार म१ज बाजुराकी कोषध्यक्ष र उपाध्यक्ष समेत बनेकी थिईन । गीत संगीत र साहित्यमा उत्तीकै रुचि राख्ने शाहीले दर्जन बढी गीतहरुमो शब्द संगीत लय शब्द सृजना गरि सकेकी छन । त्यस्तै नेतृ शाहीले बिभिन्न गजल संग्रह पुस्तक पनि प्रकाशन गरि सकेकी छन ।

पछिल्लो समयमा बिभिन्न कारणले उत्पिडनमा परेका गरिब, बेसाहारा नगरिकहरुलाई देशका बिभिन्न क्षेत्रमा गएर लाखौँ रुपैयाँको राहत सामाग्रीहरु बितरण गर्दै सर्ब साधारणको मन जित्दै उनि कुसल नेतृत्वमा पुगेकी हुन ।

यसै सन्दर्भमा बाजुराका जिल्लाका ९ वटा स्थानीय तहमध्ये नेपाली कांग्रेसले आफ्ना उम्मेद्वारको टुंगो लगाएको छ । चार नगरपालिका र पाँच गाउँपालिका रहेको बाजुरामा रीता शाही देशकै कान्छी उम्मेद्वारको रुपमा बुढिंगगा नगरपालिकाका बाट उपमेयरका लागि उम्मेद्वार बनेकी छन ।

सानै उमेर देखि बाल, समूह, किसोरी सञ्जाल हुँदै स्कुलबाटै नै नेविसंघको राजनीतिमा उदाएकी शाही नेपाली कांग्रेस बाजुराबाट १४ औं महाधिवेशन देशकै कान्छी महाधिवेशन प्रतिनिधिको रुपमा उदाएकी थिइन् । जिल्लामा सामाजिक अभियान्ताको रुपमा परिचित शाही देश तथा विदेशमा बस्ने मनकारी नेपाली दाजुभाई तथा दिदिबहिनीहरु मार्फत सहयोग जुटाउँदै देशका विभिन्न क्षेत्रमा सामाजिक सेवा समेत गरेकी छन् । सुर्खेतमा राउटे बस्ती, सिन्धुपाल्चोकका बाढी पहिरो पीडित,बझाङका बाढी पहिरो पीडित, मुगुका आगालागी पििीडत मात्रै हैन बाजुराका ९ वटै स्थानीय तहमा समेत दुखी विरामीहरुका लागि राहत संकलन गरि लाखौं, लाख सहयोग गरेकी छन् ।

मृगौला पीडित, कुपोषण बालबालिकाको लागिको उपचारका साथै चिसोबाट बच्न विद्यार्थी र बुढाबुढिका लागि बेला बेलामा राहत संकलन गर्दै जनस्तरमा सेवा गर्दै समाजसेवीको पहिचान बनााउन सफल बनेकी छन् । स्वास्थ्य क्षेत्रको अध्ययन गरेकी शाही केही समय सरकारी तथा गैर सरकारी संघसंस्थामा जागिर गर्दै समाजका प्रत्यक्ष दुखी पीडितहरुको सेवा गर्न समाजसेवामा संग्लग्न भएको बताउँछिन् ।

आफूले जागिर गर्दै आएको तलब तीनै दुखी, पीडितहरुको क्षेत्रमा लगाउँदै रित्तो फर्किनु परेका अनुभव उनी सुनाउँछिन् । समाज सेवा गर्दागर्दै समाजमा भईरहेको राजनीतिबाट दुखी, पीडितहरु खासै सेवा नपाएको देख्दा मन खिन्न हुने गर्दथ्यो । तर सबै कुरा राजनीतिमै निर्भर रहेकाले राजनीतिमा लागेको शाही बताउँछिन् । समाजसेवा र राजनीति दुबै समाजकै सेवा हो। राजनीतिबाट समाजको सेवा पनि गर्न सकिन्छ, दुखी, पीडितरुले कहिल्यै दुख नभोगुन, खान नपाएर भोकै कोही नमरुन भन्ने उद्धेश्यका साथ राजनीतिमा प्रवेश गर्दै कांग्रेसको १४ औं महाधिवेशन मार्फत देशकै कान्छी महाधिवेशन प्रतिनिधिमा आफ्नो पनि नाम दर्ज गर्न सफल भएको खुसी व्यक्त गर्दै शाही सुनाउँछिन ।