315 पटक पढिएको
बाजुरा– स्थानियत तह निर्वाचनको मिति नजिकिदै जाँदा सम्म पनि राजनितिक दलका नेताहरु तालमेलको क्रममै रहेका छन । यसै क्रममा नेपाली काँग्रेस बडिमालिका नगरपालिकाले पनि आइतबार देखि नै नगरपालिका भित्रका बिभिन्न वडाहरुमा चुनावी तालमेल मिलाइ रहेको छ ।
आइतबार मात्र एब बिज्ञप्ती जारी गर्दै बडीमालिका नगरपालिका वडा नं. ९ मा तिन दलिय गठबन्दन गरे संगै मंगलबार पनि नगरपालिकाको वडा नं. ५ मा माओवादी केन्द्र र नेपाली काँग्रेस बिच चुनावी तालमेल भएको छ । नगरपालिका भित्रका तिनवटा वडाहरुमा तिन दलिय संयूक्त चुनावी तालमेलको गठबन्दन सहित निर्बाचनमा जाँने एकिकृत समाजवादी, नेकपा माओवदी केन्द्र र नेपाली काँग्रेसले संयूक्त रुपमा सहमति गरेको छ ।
बैसाख १९ गते देखि बडीमालिका नगरपालिकाको वडा नं. ५ मा नेकपा माओवादी केन्द्र र नेपाली कााग्रेस बिच चुनावी तालमेलको प्रयास र समिक्षा भै रहेको थियो । वडा नं. ५ बाट नेपाली कााग्रेसबाट वडा अध्यक्ष पदमा उम्मेद्वारी दिएर टिकट पाएका प्रेम साँउद र नेकपा माओवादी केन्द्रको तर्फबाट वडा अध्यक्ष पदको लागि टिकट पाएका दल बहादुर साँउद बिच सहमति जारी रहेको थियो । बैसाख २० गते मात्र दुबै उम्मेद्वारहरुको आपसी सहमति भएर चुनावी तालमेलका लागि नेपाली काँग्रेसबाट वडा अध्यक्षका उम्मेद्वार प्रेम साँउदले नेकपा माओवादी केन्द्रबाट वडा अध्यक्ष पदका उम्मेद्वार दल बहादुर साँउदलाई सहयोग गर्ने गरी संयूक्त प्रेस बिज्ञप्तीमा हस्ताक्षर गरेका छन ।
वडा नं. ५ मा नेकपा माओवादी केन्द्रका वडा अध्यक्षका उम्मेद्वार दल बहादुर रावललाई दुबै पाटीको तर्फबाट टिकटका लागी एक आर्काले सहयोग गर्न बिज्ञप्तीमा उल्लेख गरिएको छ । नेपाली काँग्रेसको बाहुल्यता कम भएको वडा नं. ५ को मनामा वडा अध्यक्ष पदका लागि सबै मिलेर दल बहादुर साँउदका लागि मत माग्ने र माओवादी केन्द्रको हरिया हतौडा चिन्हमा मतदान गर्ने त्यस्तै नगर प्रमुखका लागि नेपाली काँग्रेसबाट नगर प्रमुखका उम्मेद्वार धनराज पण्डित र उप मेयरका उम्मेद्वार राधिका सिंहलाई दुबै पाटीबाट रुख चिन्हमा मतदान गर्ने गरी सहमति भएको छ ।
नगरपालिकाको वडा नं. ९, वडा नं. ७ र वडा नं. ५ को चुनावी तालमेल मिले पछि नेपाली काँग्रेसबाट नगर प्रमुखका उममेद्वार धनराज पण्डित र उप मेयरका उम्मेद्वार राधिका सिंहलाई जित हात पार्न सहज भएको पाइएको छ । नेकपा माओवादी, नेपाली काँग्रेस र एकिकृत समाजवादीले नगरपालिका भित्रका तिनवटै वडाहरुबाट नेपाली कााग्रेसको रुख चिन्हमै मतदान गर्ने गरी त्रिपक्षिय सहमति भएको छ ।
नाइतवार वडा नं. ९ को वडा अध्यक्ष पदका लागि एकिकृत समाजवादी पाटीका दिर्घराज पाध्यायलाई तिनै दलबाट कलम चिन्हमा मतदान गर्ने मेयर र उपमेयरका लागि रुख चिन्हमा मतदान गर्ने बिषयमा सम्झौता भएको छ । वडा नं. ९ मा वडा अध्यक्ष र दुइ वडा सदस्य एकिकृत समाजवादीलाई दिने त्यस्तै दुइ वडा अध्यक्ष नेपाली काँग्रेसलाई दिने कुरामा सहमति भएको थियो भने वडा नं. ५ मनामा नेकपा माओवादी केन्द्रलाई वडा अध्यक्ष र दुइ वडा सदस्य त्यस्तै नेपाली काँग्रेसलाई दुई वडा सदस्य दिने कुरामा सम्झौता भएको छ ।
नगरपालिकाका केही वडाहरुमा चुनावी तालमेल मिलाउन केही कारणले ढिला भएको भएता पनि तिनै दलको केन्द्रीय सर्कुलर अनुसार बैसाख २० गते सबै वडाहरुको तालमेल र सहमति सम्झौता भएको नेपाली कँग्रेस बाजुराले जनाएको छ ।
संयुक्त बिज्ञप्ती यस्ताे रहेकाे छ ।
