488 पटक पढिएको
बाजुरा – जिल्लाको त्रिवेणी नगरपालिका वडा न.४ तोली स्थायी घर भएकी पवि देवी साउदको निरन्तर रुपमा क्षमताको विकास हुँदै गएको छ । साउद एकल महिला हुन । उक्त नगरपालिकामा पेभ कार्यक्रम लागू छ । पेभ कार्यक्रम लागू भएपछि नै पवीको क्षमतामा विकास भएको हो । उनको मात्र होइन पेभ कार्यक्रम लागू भईसकेपछी उनी सँगकी अन्य महिलाहरूमा पनि क्षमता विकास हुनुका साथै महिलाहरू स्वभावलम्बी र आत्मनिर्भर बन्न सफल भएकी छन । महिलाहरूले एउटा क्षमता विकास मात्र गरेकी छैनन् पेभ कार्यक्रमकै सहयोगमा विभिन्न सिपमुलक तालिम पाएपछि रोजगारी तर्फ उन्मुख भएर व्यवसायिक बन्ने प्रयत्न समेत गरिरहेकी छन । त्रिवेणी नगरपालिकाका अनुसार पविलाई पेभ कार्यक्रम लागु नहुनु पहिला परिवार चलाउन पनि धौधौ थियो । पेभ परियोजना लागू भएर त्रिवेणी नगरपालिका वडा नं.४ तोलीमा परिवर्तनशिल महिला समुहमा आवद्ध गरेर सोही समुहको अध्यक्ष बनाइएको थियो ।
उनी अध्यक्ष बनिसकेपछी पेभ कार्यक्रमबाट संचालित नेतृत्व क्षमता अभिवृद्धि तालिम समेत पाएकी थिइन् । तालिम पाए पश्चात् उनको नेतृत्व क्षमतामा अभिवृद्धि भएर अहिले महिला समुह, महिला सहकारी, महिला कृषक समुह र विभिन्न वित्तीय संघ संस्थाहरुमा विभिन्न पदमा बस्दै आइरहेकी छन् । यतिमात्र होइन पवी नेतृत्व क्षमता अभिवृद्धिको तालिम पाएर उपभोक्ता समितीको विभिन्न पदमा रहेर काम गर्न थालेकीछन । उनले पेभ परियोजनाबाट व्यवसायका लागि बिउँपुजी रकम पनि पाएकी थिइन् । तरकारी व्यवसाय गर्नका लागि रकम पाएकी पविले आफ्नै जग्गा जमिनमा तरकारी खेतीसुरु गरिन । पेभ कार्यक्रमको सहयोगमा सुरु गरेको तरकारी खेतीबाट तरकारी उत्पादन गरि धेरै राम्रो आम्दानी गर्दै आइरहेकी छन् । अहिले पविले तरकारी खेतीबाट हुने गरेको आम्दानीले घरखर्च चलाउनुका साथै छोराछोरीको पालनपोषण र शिक्षामा लगानी गरिरहेकीछन् । यतिमात्र होइन उनले तरकारी खेतीबाटै भएको आम्दानीले थप जग्गा जमिन खरिद गरेकीछन् ।
पारिवारिक अवस्था दयनीय भएकी पवि देवी साउद पेभ परियोजनाबाट पाएको बिउँपुजी रकमले उनलाई परिवार पाल्नका लागि मात्र नभई व्यवसायिक बन्न सफल बनायो । उनी अहिले समाजका अन्य सम्पन्न परिवार स्वसरह चिनिन्छिन् । पेभ कार्यक्रमकै सहयोगमा तरकारी खेती सुरु गरेकी उनलाई लगनशील र मिहिनेती बन्न सिकायो । पेभ कार्यक्रमले यतिमात्र नभई अन्य महिलाहरु पनि पवि देवी साउद जस्तै व्यवसायिक बन्न सक्छन् भन्ने पाठ सिकाएकोछ । तरकारी खेतीबाट आयआर्जन सँगै बिस्तारै आम्दानी वृद्धि गर्दै गएकी साउदलाई अहिले पहिलेको जस्तो कुनैपनि कुराको समस्या छैन । पहिला एकल महिला भनेर हेला गर्ने पवीका छिमेकीहरु पनि यतिबेला उनको क्षमता देखेर लज्जित बनेका छन ।
तरकारी खेतीबाटै परिवार धान्नुका साथै सबै कुरामा सुसम्पन्न पवीले राजनीतिमा पनि चासो देखाईन र उनी हाल नेपाली कांग्रेसको १४ औ महाधिवेशनबाट नेपाली काँग्रेस नगरकमिटी सदस्य बनिन् । पेभ कार्यक्रमबाट तालिम लिएर नेतृत्व गर्ने क्षमताको बिकास गरेकी पवि वडा अध्यक्षमा उम्मेदवारी दिएर जिल्लासम्म सिफारिस समेत भईन तर कारण बस थियो तर हरेक कुरालाई मिलाउनुपर्ने र अहिले नै यसरी यो स्थानसम्म आएको हुँदा पार्टीले अहिले नै वडा अध्यक्षसम्म टिकट दिन अस्वीकार गरेको पाइएको छ ।
यसरी पेभ कार्यक्रमले महिलाहरूलाई स्वभावलम्वी आत्मनिर्भर र व्यवसायिक बन्न मात्र सहयोग पु¥याइरहेको छैन । महिलाहरूलाई समय समयमा क्षमता विकासका लागि विभिन्न तालिमहरु प्रदानगरि महिलाहरूमा नेतृत्व गर्ने क्षमताको विकास गर्न सफल भएको छ । महिलाहरु कम्तीमा आफै आफ्नो परिवार पाल्न मात्र सकुन भनेर दिएको तालिम र गरेको सहयोगले आज पुरै समाजको नेतृत्व गर्ने नेताका रुपमा स्थापित गर्न सफल भएको पाइएको छ । पवीजस्तै अन्य महिलाहरु पनि प्रयत्न गरिरहेकीछन ।
