320 पटक पढिएको
बाजुराः शुक्रबार सम्पन्न भएको निर्वाचन पश्चात रात भरी मार्तडी बजार तनावग्रस्त भएको छ । जिल्लाका बिभिन्न ठाँउहरुमा छिटफुटका घटनाहरु बाहिरिएता पनि अप्रिय घटनाहरु पनि घटेको पाइएको छ ।
जिल्ला सदरमुकाम मार्तडीमा रहेको वडा नं. ८ को मतदानका क्रममा नेकपा एमाले र नेपाली काँग्रेसका कार्यकर्ता विच झडप हुदा नेपाली काँग्रेसकी एक महिला घाइते भएकी थिइन । मतदान नसकिदै घाइते महिलालाई जिल्ला अस्पतालमा उपचारका लागि लगिएको थियो ।
नेकपा एमालेका कार्यकर्ताहरुले रातभरी नेपाली काँग्रेसका केही नेता तथा कार्यकर्ताहरुलाई आक्रमण गर्ने गरेका थिए । वडा नं. ८ का स्थानियहरुले नेपाली कँँग्रेसबाट वडा अध्यक्ष पदका उम्मेद्वार प्रकास रावल र नेपाली काँग्रेसको सचिवालयमा ढुँगा प्राहर समेत गरेका थिए । राती २ बजे सम्म एक अराजक जत्थाले मार्तडी बजारका घरहरुमा ढुँगा प्राहर गर्ने, होहल्ला गर्ने गरेका थिए ।
स्वतन्त्र रुपमा मतदान गरी आफ्नो निवासमा बसेका स्थानियहरुलाई अराजक गतिविधी गर्दै वातावरण त्रसित भएका छन । शुक्रबार राती वडा अध्यक्षका उम्मेद्वार प्रकाश रावलको घरमा नै एक् जत्थाले ढुँगा प्राहर गरेका थिए तर प्रहरीले उल्टै राती २ बजे घरको बाहिरबाट सिडी लगाएर घर भित्र प्रवेश गरेको सुचना बाहिर आएको छ ।
यसरी जिल्ला प्रशासन कार्यालय बाजुराको आडमै रहेको वडा अध्यक्षको घरमा होहल्लाका साथ ढुँगा मुणा प्राहर हुदा पनि सुरक्षा निकाय भने मौन रहेको छ । निर्वाचनमा हुने तडकभडकमा सुरक्षा निकायले चाँसो नदेखाएको पाइएको छ । सुरक्षा निकाय र मतदान अधिकृतहरुले पनि जानकारी लिन खोज्दा फोन नै नउठाउने गरेका छन । यसरी सूरक्षा निकाय मौन भएर बस्नुले स्थानियहरु असुरक्षित भएको महसुस गरि रहेका छन ।
