राम बहादुर दानी– कोरोना भाइरस (कोभिड–१९) को दोस्रो लहरबाट शुदुरपश्चिम प्रदेश पनि अछुतो रहन सकेन । यस मह महामारीसंग लड्न शुदुरपश्चिम प्रदेशका आन्तरिक मामिला तथा कानुन मन्त्री प्रकाश शाहको विषेश पहलमा जिल्ला प्रशासन कार्यालय बाजुरालाई ७ लाख, अक्सिजन सिलिन्डर खरिद का लागि स्वास्थ्य सम्बन्धी बिषेश बजेट बिनियोजन गरिएको छ । कोरोना भाइरस (कोभिड–१९) को रोकथाम तथा उपचारको लागि कोल्टी प्राथमिक स्वास्थ्य चौकीलाई २० लाख, टाटे प्राथमिक स्वास्थ्य चौकी को लागि २० लाख, बडिमालिका नगरपालिकालाई लागत साझेदारीमा एम्बुलेन्स खरिदको लागि १० लाख रकम विनियोजन गरिएको छ ।
अन्य अत्यावश्यक स्वास्थ्य सामग्रीहरु Antigen kit, PPE Full set, Hand sanitizer, KN95 Mask, Surgical Mask लगायत सामग्री जिल्ला स्वास्थ्य कार्यालय बाजुरा मार्फत हस्तान्तरण गरिएको छ । जिल्ला अस्पतालमा अक्सिजन प्लान्ट निर्माणका लागि बिनियोजित ८० लाख बजेटको काम खरिद प्रक्रियामा अस्पतालले अगाडि बढेको छ । यो महामारी मा सबैले मिलेर सामना गर्ने भएकोले मन्त्री मन्त्री शाहको भनाई रहेको शोकिय सचिब जंग बि.कले लोकतन्त्र बिहानी न्युजलाइ जानकारी दिनु भयो ।