409 पटक पढिएको
बाजुरा– बैसाख ३० मा सम्पन्न स्थानीय तहको निर्वाचनमा निर्वाचित भएका नवनिर्वाचित जनप्रतिनिधीलाई नेपाल पत्रकार महासंघ बाजुराले स्वागत तथा बधाई कार्यक्रमको आयोजना गरि बधाई तथा सफल कार्यकालको शुभकामना व्यक्त गरेको छ । मंगलवार बडिमालिका नगरपानलिकाको सभाहलमा एक औपचारिक कार्यक्रमका बिच नेपाल पत्रकार महासंघ जिल्ला शाखा बाजुराको आयोजनानमा स्वागत तथा बधाई कार्यक्रमको आयामेजना गरि नवनिर्वाचित जनप्रतिनिधिहरुलाई बधाई दिनुका साथैसफल कार्यकालको शुभकामना व्यक्त गरिको हो । बधाई तथा स्वागत कार्यक्रममा बोल्दै बुढीनन्दा नगरपालिकाका नवनिर्वाचित नगर प्रमुख जनक कुमार बोहराले पत्रकारीता पेशालाई आफुले राम्रोसंग बुझेका बताउनु हुदैँ नगरप्रमुखको हैसियतले पत्रकारको हकहितमा रहेर काम गन बताउनु भयो । साथै उहाँले पत्रकारह्ररुले पनि कुनै राजनिति पुर्वाग्रहिमा नलागि निष्पक्ष ढङ्गले सत्य तथ्यउ सुचना तथा समाचार सम्प्रेषण गर्ने कुरामा अग्रसर हुन सुझाव दिनुभयो ।
यस्तै कार्यक्रममा बोल्दै बडीमालिका नगरपालिकाका नवनिर्वाचित नगर प्रमुख अम्मर खड्काले पत्रकारले राम्रा कामको प्रसंसा गर्नुका साथै आफुहरुले गरेका कमिकमजोरिहरु औल्याउदैँ समाज रुपान्तररण, परिवर्तन र समाजको बिकासमा पत्रकारहरुले पनि जनप्रसतितिधि संग सहयात्रा गरेर अगाडी बढ्नुपर्नेमा जोड दिनु भयो ।बडीमालिका नगरपालिकाकी नगर उप–प्रमुख नन्दा थापाले आफू पत्रकारीता पेशाबाट यो स्थान प्राप्त गरको बताउदै पेशाको उच्च सम्मान्न गर्दै जनताको भावना अनुरुप लागीरहन आग्रह गर्नुभयो । साथै उपप्रमुख थापाले जिल्ला स्थित पत्रकारहरुलाई खोज पत्रकारिता गर्ने र व्यावसायिक पत्रकार बन्ने प्रयत्नका साथ पत्रकारितामा कलम चलाउन सुझाव दिनुभयो । पेशालाई सानो र पैशामलाई ठु्लो ठानेको भए आज आफु जनप्रतितिधिको ठाँउमा पुग्न नसक्ने बताउदै थापाले पत्रकारिता पेशामा धेरै समस्या र चुनौतिहरु रहेको र ति चुनौतिहरुलाई सामना गर्न सकेमा मात्र सफल हुन सकिने उहाँको भनाई रहेको थियो ।
नेपाल पत्रकार महासंघ बाजुरा शाखाका अध्यक्ष छक्क मल्लको अध्यक्षतामा संचालन भएको कार्यक्रममा बुढीनन्दा नगरपालिकाका नवनिर्वाचित नगर प्रमुख जनक कुमार बोहरा, बडीमालिका नगरपालिकाका नवनिर्वाचित नगर प्रमुख अम्मर खड्का, बडीमालिका नगरपालिकाकी नगर उप–प्रमुख नन्दा थापा बडीमालिका–२ का अध्यक्ष डम्मर महत, ७ का अध्यक्ष धर्मराज पाध्याय ८ का अध्यक्ष चन्द्र थापा प्रेस चौतारी नेपालका सुदूरपश्चिम प्रदेश अध्यक्ष कृष्ण ओली लगायत प्रत्रकारहरुको सहभागीता रहेको थियो । नवनिर्वाचित जनप्रतिनिधिलाई मायाको चिनो सहित बधाई दिएको छ । कार्यक्रमको संंचालन पत्रकार लक्ष्मिराज पाध्यायले गरेका थिए ।
