355 पटक पढिएको
बाजुरा – नेपाल निजामती कर्मचारी युनियन संघ जिल्ला शाखा बाजुराले जिल्लाको बडिमालिका नगरपालिकाका प्रमुख प्रशासकिय अधिकृत दाताराम प्याकुरेल माथी नेकपा एमालेका कार्यकर्ताहरुले अभद्र व्यवाहार गरेको भन्दै प्रेस बिज्ञपति मार्फत ध्यानाकर्षण गराएको छ ।
आफ्नो कार्यकक्षमा काम गरिरहेका प्रमुख प्रशासकिय अधिकृतमाथी कार्यकक्षमै पुगेर बलपूर्वक धकेलेर बाहिर ल्याइएको प्रती नेपाल निजामती कर्मचारी युनियन संघ बाजुराले घोर आपत्ति जनाएको छ । बैशाख ३० गते सम्पन्न भएको स्थानीय निर्वाचनको मतपेटिका ल्याएर जिल्ला सदरमुकाम पुगेका जिल्ला प्रशासन कार्यालयका सहायक प्रमुख जिल्ला अधिकारी लोकेन्द्र बिष्टलाई नेकपा एमालेका जिल्ला कमिटी बाजुराका जिल्ला कमिटी सदस्य कासी बि. कले टेलिफोन बाट धम्काएको घटना सेलाउन नपाउदै आज पुनः बडिमालिका नगरपालिकाका प्रमुख प्रशाकिय अधिकृत माथी नेकपा एमालेका नेताको ठाडो आदेशमा कार्यकर्ताहरु कार्य कक्षमै पुगेर गरेको दुर्ववहार घोर निन्द्रा र भत्सना गर्दछौं प्रेस बिज्ञप्तीमा उल्लेख गरिएको छ । सो घटना संलग्न दोषीलाई कडा कारवाहीको माग समेत बिज्ञप्ती मार्फत गरेको छ ।
बिगतका दिनहरूमा नेकपा एमालेले जिल्ला अदालतमा सुरक्षार्थ प्रहरी माथी नेकपा एमाले कर्याकर्ताहरुले गरेको दुर्ववहार सवै सामु छर्लङ्ग छ । कर्मचारी माथी हुने हातपात गाली, धम्की, डर पुर्ण व्यवाहार राजनीति दलले गर्नुभन्दा प्रशासनिक निकाय हुदा हुँदै कानुन हातमा लिने अधिकार कसैलाई नभएको व्यहोरा जानकारी गराउदछौं प्रेस बिज्ञप्तीमा भनिएको छ ।बिरोध प्रदशनका क्रममा बडिमालिका नगरपालिकाका प्रमुख प्रसासकिय अधिकृत दाताराम प्याकुललाई कार्य कक्षबाट नेकपा एमालेका कार्यकर्ताहरुले अभद्र व्यवाहार गर्दै बाहिर ल्याइएको बताइएको छ । आफ्नो कार्य कक्षमा कार्यरत उनलाई कार्यकर्ताहरुले जवरजस्ती उठाएर बाहिर ल्याइएको सो नगरपालिकामा कार्यरत अन्य कर्मचारीहरुको आरोप छ । प्रमुख प्रशासकिय अधिकृत प्याकुरेल बुढिगंगा नगरपालिकामा मतदानको दिन सुपरिवेक्षकका रुपाआ खटिएका थिए । सो दिन असहयोग गरेको भन्दै प्रमुख प्रशासकिय अधिकृतलाई कार्यकक्षबाट अभद्र व्यवाहार गर्दै लगिएको भन्दै नगरपालिकामा कार्यरत अन्य कर्मचारीहरुले आपत्ति जनाएका छन्
कार्यकक्षमै प्रमुख प्रशासकिय अधिकृत माथी गरेको अभद्र व्यवाहारको कडा आलोचना भैरहेको छ । अधिकृत प्याकुरेल माथि हातपातको प्रयास समेत गरिएको नेपाली कांग्रेसको एक श्रोतले जनाएको छ । उनको कोट र सटका बटन समेत चुडिएको पनि बताइएको छ ।यस्तै राष्ट्रसेवक कर्मचारी माथी कार्यकक्षमै राजनीति प्रतिसोध राखी जिम्मेवार राजनीति दलले बारम्बार दुर्ववहार गर्नु लज्जास्पद बिषय भएको र दोषीलाई कारवाहिको सहित नेपाल निजामती कर्मचारी युनियन संघ केन्द्रीय समितिले पनि प्रेस बिज्ञप्ती मार्फत ध्यानाकर्षण गराएको छ ।
यस्ताे छ हेर्नुहाेस केन्द्रीय समितिकाे प्रेस बिज्ञप्ती
