396 पटक पढिएको
राम बहादुर दानी– बाजुरामा एक साथा निषेधाज्ञाको समय थप गरिए पछि जिल्ला सदरमुकाम मार्तडीको अबस्था सुनशान भएको छ । बैसाख २२ गते देखी बैसाख ३१ गते सम्म बाजुरा जिल्लामा कोभिडका बिरामीहरु थपिदै गए पछि निषेधाज्ञा जारी भएको थियो । बैसाख ३१ गते निषेधाज्ञाको समय सकिए पछि जिल्ला प्रशासन कार्यालय बिपत ब्यबस्थापन समितिको बैठकले बैसाख ३० गते देखि जेष्ठ ७ गते सम्मका लागि निषेधाज्ञाको समय थप गरेको थियो ।
कोरोना भाइरस (कोभिड–१९) को दोस्रो लहर चलिरहदा बाजुरा जिल्लामा पनि यसको प्रभाव निकै नै परेको छ । बाजुरामा पनि कोरानाका कारण ४ जनाले ज्यान गुमाइ सकेका छन भने हाल सम्म २५७ जनामा संक्रमण पुष्टि भएको छ । सदरमुकाम मार्तडीमा आवत जावत र हिडडुल गर्नमा निकै नै कडाई भए पछि पुरै बजार सुनसान देखिएको छ ।
यता ब्यापरीहरुले भने म्याद गुज्रेका सामानहरुको कालोबजारी समेत गरेको पाईएको छ । त्यस्तै बजार भाउ पनि निकै नै उचाइमा पुगेको पाइएको छ । कोरोनाका कारण देश नै पुरै निषेधाज्ञा भए पछि यातायातका साधनहरु बन्द हुदा बजारमा आएको पुरानै सामानको मुल्य उकालो लाग्दै गएको छ । सामान्य दैनिक उपभोग्यका सामानहरु दाल, चावल, नुन तेल देखि फलफुल तरकारीको मुल्य पनि निकै आकासिएको छ ।
घरेलु तथा साना उद्योगको पहलमा जिल्लाका बिभिन्न बजारहरुमा अनुगमन गर्दा म्याद गुज्रेका सामानहरु नष्ट गरिदै आएको पाइएता पनि निषेधाज्ञाको मौका छोपेर कालो वजारी गर्नेको भने कमी भएको छैन । यसरी खाद्य बस्तु देखि अत्यावश्यक सामानहरुको मुल्य आकासिदा सेवा ग्राही र सर्व साधारणहरु भने निकै नै मर्कामा परेका छन ।
