बाजुराः अछाम जिल्लाको रामारोशन गाँउपालिका वडा नं. ४ भेरगाँउ स्थायी घर बताउने बर्ष २५ को एक युवक बाजुरा जिल्लाको त्रिवेणी र बुढीगंगा नगरपालिकामा रोडमा बेवारिसे अवस्थामा फेला परेको छ । आफुलाई २५ बर्ष भएको बताउने उक्त ब्यक्ती सामान्य साक्षर भएको पाइएको छ । निज बेवारिसे रामारोशन गाँउपालिका वडा नं. ४ का धर्म बिष्ट रहेका छन । मानसिक सन्तुलन गुमाएको भएता पनि आफु कक्षा ८ सम्म अध्यायन गरेको बताउछन । घर परिवारका सबै सदस्यको वतन खुलाउन सक्ने उक्त ब्यक्तीका बुवा गोकर्ण बिष्ट र आमा धनसरा बिष्ट भएको उनी बताउछन ।

बाजुरा जिल्लालाई मानव रोड मुक्त घोषणा गरेका करिव ६ महिना बिति सकेको छ । बाजुरा जिल्लाको रोडमा बेवारिसे ब्यक्तीहरुलाई ६ महिना अगाडी नै सुधारका लागि मानव सेवा आश्रम केन्द्र धनगढीमा पठाई केही व्यक्तीहरुको सुधार भैसकेको छ । निज २५ बर्षिया धर्म बिष्टलाई पनि सुधारका लागी मानव सेवा आश्रम केन्द्र धनगढीमा पठाँउने पहल भैरहेको छ ।

उक्त ब्यक्तीको समयमै ब्यबस्थापनका लागि रामारोशन गाँउपालिकाबाट नेपाली काँग्रेसको १४ औं महाधिबेशनका लागि केन्द्रीय प्रतिनिधी अनुराधा स्वार संग पहल भैरहेको छ । मानव सेवा आश्रम केन्द्रमा यस्ता ब्यक्तीहरुलाई सुधारका लागि निजको स्थानिय तहबाट सिफारिस गरी फेला परेको जिल्लाको प्रशासनलाई जिम्मा दिई मानव सेवा आश्रम केन्द्रमा पठाउने गरेको छ ।

रयस बिषयमा मानव सेवा आश्रम केन्द्रका संयोजक अच्यूत घिमिरेलाई ब्यबस्थापनका लागि कुरा भैरहेको छ । यस अघि पनि बाजुरा जिल्लाको सदरमुकाम मार्तडीका चोक चोकमा बेवारिसे बसिरहेको नेपाली तथा भारतिय नागरिकहरुको उद्धार भैसकेको छ । उक्त बाजुरा जिल्लाको त्रिवेणी नगरपालिकामा रोडमा मानसिक सन्तुलन गुमाएर वेवारिसे रुपमा हिडि रहेको २५ बर्षिया नागरिको उद्धारका लागि रामारोशन गाँउपालिका वडा नंं ४ का वडा अध्यक्ष तर्कराज उपाध्याय संग समन्वय गर्न खोज्दा निजको उद्धारका लागि असाढ ६ गते आफु गाँउपालिकामा गएर पालिकासंग समन्वय गरी ब्यबस्थापनमा लाग्ने खर्च र प्रावधानका बिषयमा बुझेर निजलाई उद्धार गर्न सहयोग गर्ने बताउनु भएको छ ।