474 पटक पढिएको
बाजुरा- जिल्लाको हिमाली गाउँपालिकाको धुलाचौर देखि फैती सम्मको पक्की सडक निर्माणकार्य सुरु गरिएको छ।
धुलाचौर लाई केन्द्र बिन्दु गर्दै हिमाली गाउँपालिका वडा न.४ को फैती गाउँ हुँदै बोता सम्म सडक निर्माणकार्य सुरुवात गरिएको छ। आर्थिक वर्ष २०७८/०७९ को बजेटले निर्माण भएको सडकमा पक्की सडक निर्माण कार्यको लागि काम सन्चालन गरेको छ। आगामी आउदो बजेट व्यवस्थापन गरेर पनि थप निर्माण कार्यकोलागि राखिएको छ।
गाउँपालिका सडक निर्माणकार्य भएको ठाउँमा पक्की सडक निर्माण कामको लागि अगाडि बढाउने गरेको छ।
अब पछिल्लो समयमा कच्ची सडक निर्माण भएको सडकमा स्थानीय सरकार, प्रदेश सरकार अथवा संघ सरकार लाई पक्की सडकलाई पनि जोड दिइने गाउँपालिका अध्यक्ष गोबिन्द बहादुर मल्लले बताउनु भएको छ।
हामीले पछिल्लो समयमा धुलाचौर देखि फैती मात्र नभएर धिम, फैती, बोता र रुगिनको गाउँ सम्मको सडक निर्माणकार्यका लागी जोडिनको लागि काम गरिएको छ।
अहिले धुलाचौर केन्द्र बिन्दु राखेर हामिले सडक निर्माण भएको ठाउँमा पक्की सडकको निर्माणकार्य सुरु गरिएको गाउँपालिका नि. प्रमुख प्रशासकीय अधिकृत राज बहादुर भण्डारीले बताउनु भएको छ।
हिमाली गाउँपालिका धुलाचौर केन्द्र देखि हिमाली गाउँपालिका वडा न.४ को फैती गाउँ हुँदै बोत्ता गाउँको बस्तिसम्म सडक निर्माणकार्य गरिएको छ। अहिले सामान्य मान्छेलाई समान ओसारपसार देखि लिएर आवतजावत गर्ने सरल भएको छ। सडक सन्चालन संगै जिप, बाइक सडक निर्माण भएको बोतासम्म आउने जाने गरेको हिमाली गाउँपालिका वडा न.४ बोत्ता घर भएका नन्द बहादुर भण्डारीले बताउनु भएको छ।
