बाजुरा– खप्तड छेडेदह गाउँपालिका उपाध्यक्ष विसु नाथद्वारा बाल आश्रम केन्द्रलाई आर्थिक सहयोग गरेकी छन । आफु गाँउपालिकाका अध्यक्षमा निर्वाचित भए पश्चात जनताका सुख दुख देख्ने र समाज सेवामा पहिलो प्राथमिकता दिने उद्देश्य राखेको गाँउपालिका उपाध्यक्ष नथको भनाई रहेको छ । उनले शुक्रबार महेन्द्रनगरमा रहेको श्रीकृष्ण प्रा.लि, आश्रमलाई आर्थिक सहयोग गरेकी छन् ।

बाल आश्रममा पुगेर खप्तड छेडेदह गाउँपालिका वडा नं.१ काँडाकी जलुदेवी बुढासंग भेटघाटमा गएका बेला आर्थिक सहयोग गरेको नाथले जनाएकी छन । आफुले वाल आश्रममा रहेका अनाथ बालबालिकाहरुलाई व्यक्तिगत रुपमा आश्रमका अध्यक्ष शेरबहादुर रोकायालाई थोरै भएपनि आर्थिक सहयोग गरेको बताएकी छन् ।

पाँच वर्षदेखि एक छोरा सहित ओडारमा बसेकी बुढाको उद्धार पछि आश्रममा राखिएको थियो । आश्रममा बसेका बुढाको अवस्था बुझ्न गाउँपालिका उपाध्यक्ष शुक्रबार आश्रममा पुगेकी थिइन । उनले भेटका क्रममा बुढाका छोरालाई गाउँपालिका र व्यक्तिगत रुपमा हुने सहयोग गर्ने बताएकी छन् । पाँच वर्षदेखि ओडारमा बसेर दिन काट्दै आएकी जलुको गाउँपालिकाले ओढारमा बसेको खवर पछि वडाध्यक्ष बीरबहादुर रावलको सहितको टोलीले उद्धार गरेर श्रीकृष्ण प्रालि आश्रममा राखेका थिए ।

आश्रमले जलु सहित उनका छोरा नन्दु र कुशल बुढा पनि आश्रममा नै आश्रय लिएर बसेका छन् । भेटका क्रममा उपाध्यक्ष नाथले आश्रममा बसेर कुनै समस्या पर्दा आमा सरह आर्थिक र अन्य सहयोग प्रतिवद्धता जनाएकी छन् । पीडामा परेर उद्धार गरिएकी अभिभावकलाई आफुले सहयोग गर्न सधैं तयार रहेको बताइन् ।

‘ओडारमा नै ज्यान जाने सोचेकी थिए,भगवान्ले हात थापेर ज्यान बचायो, पिडित जलु बुढाले उपाध्यक्ष नाथलाई दुखेसो पोखिन् ।’ पाँच वर्षसम्म ओडारमा बसेर दूई छोरालाई जेनतेन पालेको भएपनि ज्यानको आश भने मरिसकेको थियो,पिडित बुढाले गुनासो गरिन् ।