343 पटक पढिएको
बाजुरा– जिल्ला अस्पताल बाजुराले स्त्री रोग चेकजाँच र उपचार सूरु गरेको छ । बाजुरा जिल्लामा स्त्री रोगीहरुको संख्या बढ्दै गएकोले जिल्ला अस्पताल बाजुराले स्त्री रोग बिशषेज्ञ डाक्टर जिल्ला अस्पताल बाजुरामा ल्याएको छ ।
आइतबार पत्रकार सम्मेलन गरी जिल्ला अस्पताल बाजुराले स्त्रीरोग बिशषेज्ञ डाक्टर ल्याएर स्त्री रोगको सम्पुर्ण उपचार जिल्ला अस्पताल बाजुरामा चेकजाँच तथा उपचार हुने कुरा सार्वजनिक गरेको छ । जिल्ला अस्पताल बाजुराका अध्यक्ष मान बहादुर कार्कीको अध्यक्षतामा सम्पन्न भएको पत्रकार सम्मेलनमा स्त्रीरोग बिशषेज्ञ सूनिल कुमार शाह प्रमुख अतिथी रहनु भएको थियो ।
स्त्री डाक्टर जिल्ला स्वास्थ्य कार्यालयको स्थापना देखी पहिलो पटक ल्याएको जिल्ला अस्पताल बाजुराका अध्यक्ष मान बहादुर कार्कीले पत्रकार सम्मेलनमा प्रस्ट पार्नु भएको थियो । निसन्तान महिलाको जिल्ला अस्पताल बाजुरामा नै चेकजाँच तथा उपचार हुने र उपचार सम्भव नभए पछि मात्र जिल्ला अस्पताल बाहिर रिफर गरिने भएको छ ।
जिल्ला अस्पताल बाजुराले पहिलो पटक करार नियूक्ती गर्ने गरी सम्झौता गरी स्त्री रोड डाक्टर शाहलाई ल्याएको हो । महिलाको पाठेघर खस्ने, सेतोपानी बग्ने, प्रसुति सेवामा आइ पर्ने अफ्ट्यारा, निशन्तान लगाएतका सम्पुर्ण स्त्री रोग सम्बन्धी उपचार हुने भएको छ । डाक्टर शाहलाई ६ महिनाका लागी करार नियूक्ती दिएर काम गराउने तत्पश्चात नियूक्ती थप गर्दै जाने अध्यक्ष कार्कीको भनाई रहेको छ । प्रत्रारहरुको प्रश्नको जवाफ दिदै अध्यक्ष कार्कीले स्त्रीरोगको उपचार जिल्ला स्वास्थ्य कार्यालय बाजुराले नियमित रुपमा सेवा संचालन गर्ने बताइएको छ ।
बिगतका समय जस्तै आगामी दिनहरुमा स्त्रीहरुले स्त्री रोग सम्बन्धी शास्ती खेप्नु पर्ने कुराको अन्य भएको पत्रकार सम्मेलनमा अध्यक्ष कार्कीले प्रस्ट पार्नु भएको छ । आइतबार बाटै स्त्रीरोग सम्बन्धी बिरामीहरुलाई चेकजाँच तथा उपचार सेवा सूरु भएको छ ।
