352 पटक पढिएको
बाजुरा– मंसिर ४ गते हुने संघ र प्रदेश चुनावका लागि नेपाली काँग्रेस अभियाँन जिल्ला जिल्लामा शूरु गरिएको छ । यसै क्रममा बाजुरा जिल्लाको कोल्टीमा पनि जनताको साथमा काँग्रेस कार्यक्रम सम्पन्न भै सकेको छ । आईतबार नेपाली काँग्रेस पाटी कार्यालय बि.पी. स्मृति भवन मार्तडीमा पनि जनताको साथमा काँग्रेस अभियाँन कार्यक्रम भएको छ । जनतासंग काँग्रेस अभियाँन कार्यक्रममा नेपाली काँग्रेसका जिल्ला कार्य समिति पदाधिकारी, पुर्व जिल्ला कार्य समिति सभापति तथा कार्य समिति पदाधिकारी, भातृसंघका पदाधिकारी र कार्यकर्ताको बृहत उपस्थिति रहेको थियो ।
नेपाली काँग्रेसका केन्द्रीय सदस्य अर्जुन बहादुर सिंह भाद्र १० गते नै बाजुरा आउनु भएको थियो । जनताको साथमा काँग्रेस अभियाँन जिल्लाका तिनवटा क्षेत्र कोल्टी, मार्तडी र फालाशैनमा सम्पन्न पश्चात जिल्लाका सबै पालिकाहरुमा हुने काँग्रेस बाजुराले जनाएको छ ।
आइतबार पाटी कार्यालयमा भएको जनताको साथमा काँग्रेस अभियाँन कार्यक्रमको अध्यक्षता नेपाली काँग्रेस जिल्ला कार्य समिति सभापति रामसिंह रावलको अध्यक्षतामा सम्पन्न भएको छ । नेपाली काँग्रेसका केन्द्रीय सदस्य अर्जुन बहादुर सिंह प्रमुख अतिथी रहनु भएको थियो त्यस्तै नेपाली काँग्रेस जिल्ला केन्द्रीय सदस्य बिद्या तिमल्सेना बिशिष्ट अतिथी रहनु भएको हो ।
नेपाली काँग्रेसको केन्द्रीय केन्द्रीय निर्देशन अनुसार देशका ७७ वटै जिल्लाहरुमा प्रतिनिधी खटाई जनतासंग काँग्रेस अभियाँन सूरु भएको छ । यसै क्रममा बाजुरा जिल्लामा पनि नेपाली काँग्रेसका केन्द्रीय सदस्य अर्जुन बहादुर सिंह प्रतिनिधीको रुपमा खटिएर जनतासंग काँग्रेस अभियाँन शुरु भएको छ । आगामी मंसिर ४ गते हुने प्रदेश र संघको निर्वाचनमा नेपाली काँग्रेस बाजुरालाई जिताउने अभियाँनमा आफुलाई पाटीले खटाएको अतिथी सिंहको भनाई रहेको छ । बाजुरा जिल्लाका सबै टोल टोल र बस्ती बस्तीमा पुगेर जनताको साथमा काँग्रेस नारालाई लिएर जनताको साथमा अभियाँन गर्ने कार्यक्रम रहेको छ ।
जनताको साथमा अभियाँन जिल्लामा शुरु गरे पनि नेपाली काँग्रेस बाजुराले भने संघ र प्रदेशको लागी उम्मेद्वारको टुँगो लाग्न सकेको छैन । संघका लागि संस्थापन पक्षबाट नेता कविराज पण्डित र इतर पक्षबाट बद्री पाण्डेको नाम सिफारिसका लागि लभि भैरहेको छ । त्यस्तै क्षेत्र (क) र क्षेत्र (ख) मा पनि कस्लाई उम्मेद्वार बनाउने भन्ने बिषयमा टुँगो लागेको छैन ।
उसो त संघिय तर्फ उम्मेद्वारमा २०७४ सालको निवाचनबाट पराजित नेता कजिराज पण्डितले टिकट पाउनु पर्ने पण्डित पक्षधारहरुले सामाजिक सञ्जाल मार्फत सर्मथन जनाउदै आएका छन । भने इतर पक्षबाट केन्द्रीय सह– महामन्त्री बद्री पाण्डे प्रतिपक्षसंग प्रतिस्पर्धा गर्न सक्ने वलियो उम्मेद्वारका रुपमा रहेका पाण्डे समर्थक कार्यकर्ताहरुले सामाजिक सञ्जाल मार्फत समर्थन गरि रहेका छन । उसो त प्रतिपक्ष संग संघिय निर्वाचनमा प्रतिस्पर्धा गर्न फलामको चिउरा चपाउनु झै काँग्रेस बाजुरालाई भएको छ । यसर्थ बाजुरा जिल्लामा प्रतिपक्षसंग प्रतिस्पर्धा गर्न पाण्डेले मात्र सक्ने पाण्डे समर्थक पक्षले बताउदै आएका छन ।
यता नेपाली कँँग्रेस बाजुराले समानान्तर रुपमा जसले जित्न सक्छ उसैले मात्र टिकट पाउने कुरामा बिश्वस्त हुन कार्यकर्ताहरुलाई निर्देशन दिएको छ ।
