325 पटक पढिएको
बाजुरा– बडीमालिका नगरपालिकाकी उप–प्रमुख नन्दा थापाले पत्रकारहरु माथी विभेद भएको अनुभूति गरेको बताएकी छन । हिन्दुहरुको महान चाँड हरितालिका तिजको दर खाने दिनको अवसर पारेर भएको तिज विषेश कार्यक्रममा यस्तो बताउनु भएको छ ।
तिज बिशेष कार्यक्रमको प्रमुख अतिथीको आसनबाट बोल्दै उपमेयर थापाले आर्थिक बर्ष २०७९÷०८० को सूचना सम्बन्धी भुक्तानी दिनेक्रममा जिल्लामा संचालित केही मिडियाहरु नै सेवाबाट वञ्चित हुनुमा नगरपालिकाले गल्ती गरेको महसुस भएको बताएकी छन् ।
शुभकामना मन्तब्य राख्दै उपप्रमुख थापाले थपिन आफुहरु नयाँ भएकोले भुक्तानीका क्रममा केही तलमाथी भएकोले आफुप्रति आएको आक्षप स्वभाविक भएकोले आगामी दिनहरुमा पत्रकारहरुमाथी समान ब्यबाहारले हेर्ने बताएकी छन । यसरी बिल भुक्तानीका क्रममा केही सम्झौता भएका र केही नभएकाले भुक्तानी दिन बिभेद जस्तो भएकोले आफुले पत्रकारिताबाटै जनप्रतिनिधी सम्म हुने प्रोरण मिलेकोले पत्रकारहरुले गुनासो राख्नुमा पहिलो गासमै ढुङ्गा लागे जस्तो भएको महसुस भएको उनले बताईन ।
करिव १५ बर्ष लामो पत्रकारिताबाट जनप्रतिनिधी हुदाका समयमा आफुले पत्रकारहरुलाई आफु जनप्रतिनिधी भए पछि पत्रकारको पिडा कस्तो हुँन्छ ? भन्ने कुरालाई राम्ररी नजिकबाट नियालेर हेरेकोले पत्रकार र पेषालाई साथ सहयोग दिने बचन दिएकी थिईन तर पहिलो आर्थिक बर्षमै सूचनाको रकम भुक्तानीमा आफुले आरोप खेप्नु परेकोले पश्चाताप भएको र आगामी दिनहरुमा यस्तो नहुने बचन समेत दिएकी छन ।
तिजको अवसरमा भएको कार्यक्रममा बोल्दै उनले थपिन आफुले पत्रकारहरुलाई गर्ने ब्यबाहारमा कुनै कसुर नराख्ने भएकोले बिगतमा आफु यहि पेषामा रही आएको र नेपाल पत्रकार महासैघको जिल्ला सचिब सम्म पुगी पदिय जिम्मेवारी बहन गरेकोले पेषा प्रति गहन अध्यायन गरेको अबका दिनमा नगरपालिकाबाट पाउने कुनै पनि तह तप्काको सहयोगका लागि कुनै कसुर राख्दिन ।
त्यस्तै शुभकामना मन्तब्यमा थप्दै उपप्रमुख थापाले पत्रकारहरुले मर्यादित भएर समाचार लेख्न र सूचना प्रवाह गर्न अनुरोध गरेकी छन । नेपाल पत्रकार महासंघले आयोजना गरेको तिज बिशेष कार्यक्रममा आफुले जनप्रतिनिधीको तर्फबाट पुर्व पत्रकारको मर्यादा राख्दै निम्तो गरेकोले सबै पत्रकारहरुलाई शुभकामनाका साथै धन्यबाद ब्यक्त गरेकी छन ।
यसै क्रममा उपमेयर थापाले पत्रकारहरुलाई मर्यादित भएर समाचार संकलन प्रकाशन तथा प्रसारण गर्न समेत अनुरोध गरेकी छन । हिन्दु नारीहरुले बिशेष गरी तिन दिन सम्म पानी सम्म नखाएर ब्रत बसी दर खाएर तिज मनाउने चलन चल्ती भएकोले महंगा गहना लगाउदै खर्चिलो, तड्किलो र भड्कीलो तिज नमनाउन समेत आग्रह गरेकी छन ।
