365 पटक पढिएको
बाजुरा– गणतन्त्र नेपालको संविधान २०७२ जारी भएको ७ औं बर्ष पुरा भएको अबसरमा बाजुरा जिल्लामा पनि संविधान दिवश मनाइएको छ । नेपालको संविधान २०७२ साल असोज ३ गते जारी भएको थियो । यसै सन्दर्भमा जिल्ला प्रसाशन कार्यालय बाजुराको आयोजनामा असोज ३ गते बिहान प्रभात फेरी गरी बिशेष सभा सम्पन्न भएको छ ।
असोज २ गते जिल्ला प्रशासन कार्यालय बाजुराको आयोजनामा संविधान दवशको पुर्व सन्ध्याको अवसरमा राजनितिक दल र राष्ट्रसेवक कर्मचरीहरु बिच मैत्रिपुर्ण भलिवल प्रतियोगिता सम्पन्न भएको थियो । उक्त मैत्रीपुर्ण भलिवल प्रतियोगीताका बिजेता तथा उप विजेताहरुलाई प्रमाणपत्र सहित पुरस्कार समेत वितरण गरिएको छ ।
सोमबार बिहानै संविधान दिवशको अवसरमा वजार परिक्रमा गरी प्रभातफेरी कार्यक्रम गरिएको थियो । प्रभातफेरी कार्यक्रम लगत्तै खुलामञ्चमा संविधान जारी भएको दिनको स्मरण गर्दै सभा सम्पन्न भएको थियो । प्रमुख जिल्ला अधिारी प्रकासचन्द्र अधिकारीको अध्यक्षतामा सम्पन्न भएको सभाको संचालन सहायक प्रमुख जिल्ला अधिकारी लोकेन्द्र बहादुर बिष्टले कार्यक्रमको संचलन गर्नु भएको थियो ।
संविधान जारी भएको दिनको स्मरणमा भएको प्रभातफेरी पश्चातको संविधान दिवशको अवसरमा शुभकामना मन्तब्य कार्यक्रम सम्पन्न भएको हो । शुभकामना मन्तब्य कार्यक्रममा प्रमुख अतिथी जिल्ला समन्वय समिति बाजुराका प्रमुख तुल्सीराम रोकाया रहुनु भएको थियो । कार्यक्रममा नेकपा एमले जिल्ला कमिटी सचिब भरत बहादुर थापा, नेपाली काँग्रेस बडीमलिका नगर कार्य समिति सभापति गोपिाल बहादुर कार्की, प्रहरी निरिक्षक गीन्द्र बोगटी बिशिष्ट अतिथी रहनु भएको थियो ।
कार्यक्रममा बिभिन्न कार्यालयका निजामति कर्मचारी पत्रकार लगायतको बाक्लो उपस्थिति रहेको थियो । कार्यक्रममा शुभकामना मन्तब्य राख्ने अधिकाँश बक्ताहरुले नेपालको संविधान २०७२ ले सबैका हक अधिकारहरुलाई सुनिश्चित गरेकोले यो संविधानको सबैले रक्षा गर्नु पर्ने कुरामा जोड दिएका थिए ।
संविधान दिवशको अवसरमा भएको उक्त कार्यक्रममा असोज २ गते भएको राष्ट्रसेवक कर्मचरी र राजनितिक दल बिच बिजेता तथा उप बिजेतालाई प्रमाणपत्र सहित पुरस्कार वितरण गरिएको थियो । विजेता दुइवटा टिमलाई नगद रु ८/८ हजार सहित प्रमाणपत्र र मेडल प्रदान गरिएको हो भने उप बिजेता दुई टिमलाई नगद ५/५ हजार सहित प्रमाणपत्र र मेडल प्रदान गरिएको हो ।
बिजेता राजनितिक दलका महिला र पुरुष दुबै टिम भएका थिए भने उप–विजेता राष्ट्रसेवक कर्मचरीका महिला र पुरुष दुबै टिम भएका थिए । यसरी संविधान दिवशको अवसरमा असोज ३ गते र ४ गते बेलुका आ–आफ्नो कार्यालय, घर पसलमा मैनबक्ती बालेर दिपावली गरी संविधान दिवस मनाउन जिल्ला प्रशासन कार्यालय बाजुराले अनुरोध गरेको सहायक प्रमुख जिल्ला अधिकारी लोकेन्द्र बहादुर बिष्टले बताउनु भएको छ ।
