372 पटक पढिएको
बाजुराः जिल्ला प्रशसन कार्यालय बाजुराको आयोजनामा भएको संविधान दिवशको अबसरममा प्रभात फेरी कार्यक्रमको समापनमा बोल्दै नेकपा एमाले जिल्ला कमिटी सचिब भरत बहादुर थापाले नेपालमा नयाँ जंगबहादुरको जन्म भएको बताएका छन । नेपालको संविधानले सुनिश्चित गरेका आर्जित हक अधिकारहरुलाई कुल्चन खाेज्ने कुचेष्टा भएका केही नयाँ जंगबहादुर जन्मिएकाले यस्ता जंगबहादुरलाई नेकपा एमालेले किनारा लगाउनेकुरामा जोड दिएका थिए ।
संविधान दिवसको अबसरमा शुभकामना मन्तब्य दिदै नेता थापाले संबिधानको रक्षाका कुरा भन्दा पनि आगामी मंसिर ४ गते हुने प्रदेश तथा संघिय निर्वाचनमा नेकपा एमलेलाई बिजयी बनाउने कुरामा जोड दिदै संविधानको प्रसँग भन्दा पाटीको मञ्चबाटै भोट माग्दै खुलेरै प्रचार गर्नु भएको थियो । त्यस्तै नेता थापाले न्यायालयलाई अहिलेको सरकारले जालझेलमा राख्दै खुम्च्यिाएको पनि बताएका छन । नेता थापाले शुभकामना मन्तब्य राख्दै जनादेशको सरकारलाई ढालेर परमादेशको सरकारले नेपालमा नयाँ जंग बहादुर जन्माएको आरोप लगाएका छन ।
त्यस्तै कार्यक्रममा शुभकामना मन्तब्य दिदै नेपाली काँग्रेस बडीमालिका नगरपालिका नगर कार्य समिति सभापति गोपाल बहादुर कार्कीले नेकपा एमालेको दुई तिहाईको दम्बको सरकारले संसद बिगठन गरी संविधान कुल्चेको आरोप लगाउनु भएको छ । नेपाली जनताले रगत बगाएर ल्याएको संविधानलाई एक बर्ष अगाडी बाम एकताबाट दुई तिहाइमा बनेको तत्कालिन केपी शर्मा ओलीको सरकारले खिल्ली उडाएर सर्वोच्च अदालतले परमादेशबाट सरकार गठन गर्न निर्देशन दिएर नेपालको संविधानलाई जिवीत राखेको कुरामा जोड दिनु भएको थियो ।
