188 पटक पढिएको
बाजुरा– बाजुराका चिरञ्जिवी खड्काले शुदुरपश्चिम प्रदेश स्तरिय बक्सिङ्गमा स्वर्ण पदक जितेका छन । लामो समय देखि पत्रकारिता र कलाकारिता पेषा गर्दै आएका पत्रकार खड्काले नौ वटै जिल्लालाई हराउदै स्वर्ण पदक जितेका हुन । नबौं राष्ट्रिय बक्सिङ्ग खेलकुद प्रतियोगितामा उनी ४८ किलोग्राम तौलबाट छनौट भएका थिए । प्रदेश स्तरिय भएको बक्सिङ्ग खेलका लागी बिभिन्न तौलका खेलाडीहरु प्रत्येक जिल्लाबाट छनौट भएर प्रदेश स्तरको खेलमा सहभागी भएका थिए ।
यसै क्रममा ४८ किलोग्राम तौलमा बाजुरा जिल्लाबाट खड्का चयन भएका हुन । खड्काले यस अघि पनि प्रदेश र केन्द्रीय स्तरका खेलहरुमा भाग लिइ सकेका छन । प्रदेश स्तरिय बक्सिङ्ग खेल असोज १ गते देखि ३ गते सम्म धनगढीको कवड हलमा सम्पन्न भएको हो । खेल क्षेत्रमा रुचि राख्ने खड्काले पत्रकारिता पेषामा पनि लामो अनुभव बटुलेका छन । बाजुरा जिल्लाको खेल क्षेत्रको एक सम्पतीका रुपमा परिचित खड्काले दर्जन भन्दा बढी म्युजिक भिडियोमा पनि अभिनय गरि सकेका छन ।
बाजुरा जिल्लाको बक्सिङ्ग खेलबाट खेल क्षेत्रमा प्रवेश भएकी पुनम रावल पछि खड्काले खेल क्षेत्रबाट बाजुराको नाम उचाईमा राख्न सफल भएका छन । उनी असोज २८ गते पोखरा रंगशालामा हुने राष्ट्रिय बक्सिङ्ग खेलका लागि चयन भएका छन । यदि उनले पोखरामा हुन लागेको राष्ट्रिय बक्सिङ्ग खेलको पनि उपाधी पदक हात पारे पछि उनि अन्तराष्ट्रिय खेलमा सहभागी हुने भएका छन । खड्का बडीमालिका नगरपालिका वडा नम्बर ३ रजालीका बासिन्दा हुन ।
प्रतिक्रिया
सम्बन्धित खवर
