380 पटक पढिएको
बाजुरा- जिल्लाको हिमाली गाउँपालिका धुलाचौर र कवाडी बजारमा डम्पिङ साईट निर्माण गरिने भएको छ।
गाउँपालिका अन्तर्गत पर्ने क्षेत्र धुलाचौर र कवाडीमा डम्पिङ साईट निर्माणकार्य गर्ने अगाडी बढाइने भएको छ। र बजार क्षेत्रमा फोहरहरु संकलन गर्ने कन्टेनर राख्ने गरी फोहर व्यवस्थापनको लागि निर्माणकार्य यो आर्थिक वर्षमा आवश्यक रकम छुट्याइएको छ।
बजार ईलाका भित्रमा रहेका जताततै हिसाबले असुरक्षित तरिकाले फालिएको फोहोरलाई नियन्त्रण गर्नेको लागी डम्पिङ साइट निर्माण गरिने भएको छ। स्थानीय बजारमा विभिन्न किसिमका दुर्गन्धित हटाएर सफा र वातावरणमा सकारात्मक परिवर्तन ल्याउनका निम्ति यो डम्पिङ निर्माणको कामका लागि आर्थिक वर्षमा बजेट विनियोजन गरिएको छ।
धुलाचौर र कवाडी बजारमा कुहिने फोहोर र नकुहिने बस्तुलाई बजारको क्षेत्रको छेउछाउमा फोहरहरु संकलन गर्ने कन्टेनर राख्ने कामको थालनी गरिने छ। बजारमा फोहोर व्यवस्थापनसम्बन्धी जनचेतनामूलक अभियान कार्यक्रम लाई विशेषगरी अगाडी बढाइने भएको छ।
स्थानीय बजार क्षेत्र धुलाचौर र कवाडीमा रहेका विभिन्न किसिमका सीसाहरु एकै ठाउँमा संकलन गरिनेछ। बजारमा सिसा लापरबाही तरिकाले नफाल्ने बजार ब्यबसायलाई प्रतिबद्धता लगाइने छ। हिमाली गाउँपालिका लाई विशेषगरी सिसामुक्त गाउँपालिका बनाउने हिमाली गाउँपालिका अध्यक्ष गोबिन्द बहादुर मल्लले बताउनु भएको छ।
