बाजुरा– जिल्ला पशुसेवा कार्यालयको संयोजकत्वमा सदरमुकाम मार्तडीमा संचालनमा रेका मासु पसलको अनुगमन गरिएको छ । दशैको घटस्थापनाको दिन शुरु भए संगै म्याद नाघेको मासु बिक्री बितरण गरिने भएकोले अनुगमन सूरु गरिएको हो । सदरमुकाम मार्तडीम मासु ब्यबशाय गर्दै आएका ७ वटा मासु पसलमा अनुगमन गरिएको हो । बडीमालिका नगरपालिकाकी नगर उपप्रमुख नन्दा थापाको संयोजकत्वमा अनुगमन सम्पन्न भएको हो ।

अनुगमनका क्रममा सदरमुकाम मार्तडीमा रहेका केही मासु पसलमा म्याद नाघेको मासू फेला परेको छ । मार्तडीमा रहेको मालिका मासु पसलमा एक्सपायर भएको ५ किलो मासुबरामद गरिएको छ । उक्त मासु खसीको मासु पसल संचालकले बताएका छन तर एक हप्ता भन्दा बढी समय भएको सम्भावना रहेको उक्र ५ किलो मासु बरामद गरी जिल्ला पशु सेवा कार्यालयमा डिस्पोजलका लागि लिइएको हो । मासु खेसीको हो या अन्य जनावरको हो शंकास्मद रहेकोले ल्याव परीक्षण गरेर मात्र उक्त मासु डिस्पोजल गर्नु पर्ने सहायक प्रमुख जिल्ला अधिकारी लोकेन्द्र बहादुर बिष्टले निर्देशन दिनु भएको छ ।

काटि सकेको मासु हमिाली भेगमा कम्तीमा एक हप्ता सम्म मात्र राख्दा राम्रो हुने र तराईका जिल्लाहरुमा दुई दिन सम्म मात्र राख्न मिल्ने सहायक प्रमुख जिल्ला अधिकारी बिष्छले बताउनु भएको छ । काटीसकेको मासु राख्न डिफ्रिजको प्रयोग हुने गर्दछ ।

अनुगमनमा बडीमालिका नगरपालिकाकी नगर उप प्रमुख नन्दा थापा, सहायक प्रमुख जिल्ला अधिकारी लोकेन्द्र बहादुर बिष्ट, पशु चिकित्सक डाक्टर बिकले गौतम, प्रहरी निरिक्षक गीन्द्र बोगटी, घरेलु तथा साना उद्योग बिकास कार्यालयका प्रमुख मान बहादुर चाट, बडीमलिका नगरपालिका पशु सेवा शाखाका प्रममुख गोपालचन्द्र भण्डारी, नेपाल पत्रकार महासंघ बाजुराका अध्यक्ष छक्क मल्ल र रेडियो पौरखी स्टेशन मेनेजर राम बहानदुर दानी लगायतको टोलीले अनुगमन गरेको हो ।

सदुरमुकाम मार्तडीमा संचलनमा रहेका मासु पसलहरुले मुल्य सूची राखे नराखेको, दर्ता नम्बर स्पष्ट रुपमा देखिने ठाँउमा राखिएको नराखिएको, कानुनी प्रकृयाबाट पदस दर्ता तथा नविकरण भएको नभएको, मासु पसलमा भेन्टिलेटर राखिएको नराखिएको, मासु पसलमा सरसफाई भएको नभएको र मासु ताजा बिक्रि भए नभएको कुराहरुको बिशेष गरी अनुगमन गरिएको थियो ।

जिल्ला सदरमुकाम मार्तडीमा संचालनमा आएका केही मासु पसलहरुमा मात्र मापदण्ड पुरा गरी संचालन गरेको पाइएको छ भने केही मासु पसलहरुम मापदण्ड नै पुरा नगरी संचालनमा आएका पाइएका छन । यसरी मापदण्ड पुरा नगरी संचालनमा आएका मासु पसलहरुलाई मापदण्ड पुरा गरेर मात्र संचालन गर्न निर्देशन दिइएको छ । पहिलो पटकको अनुगमनमा सचेत मात्र गराएकोले दोस्रो पटक पनि अनुगमन गर्दा मापदण्ड पुरा नगरी संचालनमा आएको देखिएमा कानुनी कार्वाही गर्ने सहायक प्रमुख जिल्ला अधिकारी लोकेन्द्र बहादुर बिष्टले चेतावनी दिनु भएको छ ।

अनुगम समाप्त पश्चात बडीमालिका नगरपालिकाकी नगर उप प्रमुख नन्दा थापाले माशु पसलमा मुल्य सूचि राखिएको वा नराखिएको, बैधानिक रुपमा संचलनमा आएको नआएको, ताजा मासु भए नभएको र मासु पसलमा सरसफाई छ या छैन भन्ने बिषयमा ग्राहाकहरुले पनि स्वयम आफैले हेरेर मात्र खरिद बिक्रि गर्नु पर्ने कुरामा जोड दिनु भएको छ ।