394 पटक पढिएको
बाजुरा– सामुदायिक रेडियो पौरखी ९०.४ मेगाहर्जले आफ्नो स्थापना दिवशको अवसरमा बिभिन्न कार्यक्रम गरी स्थापना दिवश मनाएको छ । बिहिबार आफ्नो ११ औं स्थापना दिबसको अवसरमा जिल्ला अस्पताल बाजुराका बिहान ८ बजे बिरामीहरुलाई फलफुल बितरण गरी प्रभात फेरी कार्यक्रम गरेको थियो ।
बिहान ११ बजे बडीमालिका नगरपालिकाको सभाहलमा बिभिन्न कार्यक्रमका साथ जन्मोत्सव सम्पन्न गरेको छ । जन्मोत्सबको अवसरमा रेडियोका कार्यरत पुर्व कर्मचरी, पुर्व रेडियो संचालक समिति अध्यक्ष सचिव, पुर्व जनप्रतिनिधी, प्रमुख प्रशासकिय अधिकृत र रेडियोमा कार्यरत कर्मचारीहरुलाई सम्मान पत्र, प्रमाण पत्र, कदरपत्र प्रदान गर्दै स्थापना दिबश सम्पन्न गरेको हो ।
रेडियो संचालक समिति अध्यक्ष रामचन्द्र यादबको अध्यक्षतामा सम्पन्न भएको स्थापना दिबशको प्रमुख अतिथी जिल्ला समन्वय समिति प्रमुख तुलसीराम रोकाया रहनु भएको थियो । बडीमालिका नगरपालिकाकी नगर उपप्रमुख नन्दा थापा बिशिष्ट अतिथी रहेको कार्यक्रमको संचालन रेडियो पौरखीका स्टेशन मेनेजर राम बहादुर दानीले गरेका थिए । बडीमलिका नगरपालिका वडा नं. ८ का वडा अध्यक्ष चन्द्र बहादुर थापा, वडा नं. ७ का वडा अध्यक्ष धर्मराज पाध्याय, वडा नं. ९ का वडा अध्यक्ष सुर्यकिरण बि.क., नेपाल पत्रकार महासंघका पुर्व जिल्ला अध्यक्ष प्रकाश सिंह, सामुदायिक प्रहरी केन्द्रका अध्यक्ष काल्चे दमाई, नेकपा एमाले जिल्ला कमिटी काुनून बिज्ञ तुलाराम जैशी र नेपाली काँग्रेस बडीमलिका नगर कार्य समिति सभापति गोपाल बहादुर कार्की लगायतको उपस्थिति रहेको यियो ।
