128 पटक पढिएको
बाजुरा– जिल्लामा पछिल्लो २४ घण्टामा ८ जना कोरोना सक्रमित थपिएका छन् । बिहिबार गरिएको परिक्षणमा ८ जना संक्रमित थपिएसंग जिल्लामा संक्रमितको संख्या तीन सय ७० पुगेको स्वास्थ्य कार्यालय बाजुराले जनाएको छ ।
स्वास्थ्य कार्यालय बाजुराले दिएको जानकारी अनुसार संक्रमित तीन सय ७० जनामा हाल दुई सय १ जना सक्रिय संक्रमित रहेको बताए ।
तीमध्ये होम आइसोलेसनमा एक सय ९० जना र आइसोलेसनमा उपचाररत ११ जना रहेको बताए ।
संक्रमित मध्ये तीन जनालाई कोरोना निको भएको छ । निको हुनेको संख्या एक सय ६४ पुगेको निमित्त प्रमुख चन्दको भनाई रहेको छ ।
बिहीबार एन्टिजेनबाट गरिएको कोरोना परिक्षणमा बुढीगंगा नगरपालिकामा ३ जना ,बडीमालिका नगरपालिकामा १ जना,त्रिवेणी नगरपालिकामा १ जना र हिमाली गाउँपालिकामा ३ जना गरी ८ जनामा कोरोना संक्रमण पुष्टी भएको हो ।
कोरोना भाइरसको संक्रमणका पाँच जनाको मृत्यु भएको स्वास्थ्य कार्यालयको तथ्यांकमा उल्लेख छ ।
