बाजुरा– प्रत्येक बर्ष जस्तै यस बर्ष पनि चौथो छेडेदह कप फुटवल प्रतियोगिता हुने भएको छ । यहि असोज २२ गते देखी २८ गतेसम्म उक्त प्रतियोगिता हुँने आयोजक कमिटीले जनाएको छ । शुक्रवार पत्रकार सम्मेलन गर्दै अरु बर्ष जस्तै यो बर्ष पनि खेल हुने आयोजकले पत्रकार सम्मेलन गरी बताएको हो । दशै र तिहारको अवसर पार्दै मनाइने सो खेल प्रतियोगिता असोज २२ गतेबाट संचालन हुने भएको हो ।
बाजुरालाई फुटबलका माध्यमबाट राष्ट्रव्यापी रुपमा परिचित गरार्ई राष्ट्रिय एकतालाई खेल मार्फत मजवूत बनाउने, खेल मार्फत बाजुराको पर्यटन विकासमा टेवा पू¥याउने उदेस्यका साथ हरेक बर्ष यो प्रतियोगिता हुने गरेको आयोजक कमिटिका संयोजक कृष्ण ओलीले पत्रकार सम्मेलन मार्फत जनकारी दिएका छन् ।

प्रतियोगिताको उद्घाटन देखि समापन सम्म लगानी कर्ताको नाम उद्घोष गरिने आयोजकले जनाएको छ । प्रतियोगिताका प्रथम पुरस्कारको राशी रु.२,३३,३३३ र द्धितीयको पुरस्कार राशी रु.१,२२,२२२ रहेने भएको छ । खेलमा उत्कृष्ठ पाँच जनालाई मेडल, ट्रफि, प्रमाण पत्र सबैलाई प्रदान गरिने भएको छ । त्यस्तै खेल क्षेत्रमा उल्लयख्य भुमिका निर्बाह गर्ने ब्यक्तिलाई पुरस्कार उत्कृष्ट खेलाडी, उदय मान खेलाडी, उत्कृष्ट गोल रक्षक, उत्कृष्ट डिफेन्डर र सर्वाधिक गोल कर्तालाइ समेत पुरस्कारको ब्यबस्था गरिने आयोजकले जनाएको छ ।टिम दर्ता शुल्क रु १२,०००। र धरौटी रकम रु ३,००० पछि फिर्ता हुने गरी तिर्नु पर्ने आयोजकले जनाएको छ । खेल समयावधि भर खान र बस्नको व्यवस्थापन स्वयम खेल टिमले नै पर्ने छ । जसमा टिम दर्ता असोज २१ गते साँझ ५ बजे भित्र गरिसक्नु पर्ने पनि आयोजकले जनाएको छ । त्यस्तै शुल्क नतिर्ने र खेलाडीको परिचय खुल्ने प्रमाण पेश नगर्ने टिमलाई खेलमा सहभागि नगाराइने आयोजकले जनाएको छ ।