446 पटक पढिएको
बाजुरा— नेकपा एमाले बाजुराका नेता सहदेव बोगटीले स्वतन्त्रबाट मनेनयन दर्ता गरेका छन । नेता बोगटीले आफुलाई बाजुरा क्षेत्र (क) बाट प्रदेश सभाका लागि नेकपा एमालेले टिकट नदिदा आफुले स्वतन्त्र उम्मेद्वारी दिएको बताएका छन । नेता बोगटी नेकपा एमालेका केन्द्रीय सदस्य समेत रहेका छन । उनले बाजुरा जिल्ला प्रदेश सभा (क) बाट स्वतन्त्र उम्मेद्वारी घोषणा गर्दै मनोनयन दर्ता गरेका छन ।
आइतबार देश भरका ७७ वटै जिल्लाहरुमा निर्वाचन आयोगले दलहरुलाई मनोनयन दर्ता गर्न आबाहन गरेको थियो । यसै क्रममा बाजुरा जिल्लामा पनि दलहरुले मनोनयन दर्ता गरेका छन । दश बर्षिय जनयुद्धमा त्याग तपश्या र बलिदान गर्दै नेकपा माओवादीबाट नेता बोगटीले २०६४ सालको संविधान सभा निर्वाचनमा प्रत्यक्ष उम्मेद्वारी दिदै चुनाव लडेका थिए । उनले २०६४ सालको संविधान सभा निर्वाचनमा १३ हजार मत ल्याएर तेस्रो दलका रुपमा स्थापित भएका थिए ।
आइतबार मनोनयन दर्ता गर्न नेकपा एमले जिल्ला कमिटी सचिव भरत बुढा, छक्कीलाल बुढा लगायतका नेताहरुको साथमा मुख्य निर्वाचन अधिकृतकाे कार्यालयमा गई स्वतन्त्र उम्मेद्वारको मनोनयन दर्ता गरेका हुन । २०७४ सालको संघिय निर्वाचन पछि एकिकृत माओवादी र नेकपा एमाले बिच पाटी एकिकरण पछि नेकपा भएको थियो । उनी नेकपा मै रहेर पाटीको जिम्मेवारी लिएर राजनितिमा लागेका अब्बल नेताको रुपमा स्थापित भएका थिए ।
नेकपा पाटी भित्रै विवाद चुलिए पछि नेकपा फुटेर तिन चिरामा बिभाजन भएको थियो । नेकपाबाट एकिकृत समाजबादी, नेकपा एमले र नेकपा माओवादी भएको थियो । उनी लामो समय देखि नेकपा माओवादीबाट राजनिति गर्दै पाटी एकिकरण पछि नेकपा एमलेमै रहेका थिए । पाटीको नवौं कन्द्रीय अधिबेशनबाट उनी केन्द्रीय सदस्यमा मनोनित भएका थिए ।
२०७९ सालको संधिय निर्वाचनका लागि उनलाई नेकपा उमाले जिल्ला कमिटी बाजुराले बाजुरा क्षेत्र नं. (क) का लागि प्रदेश सभाका लागि सिफारिस गरेको थियो । प्रदेश सभाका लागि सिफारिस भएका नेताहरु मध्ये उनी टिकट पाउनेमा प्रमुख सम्भावनामा थिए । तर उनलाई माओवादीबाट आएकै आक्षेपमा टिकट पाँउनबाट बञ्चित गराएको नेता बोगटी बताउछन ।
आफुलाई नेकपा माओवादीबाट पाटी समायोजन पछि एमाले भएको कुरालाई तथ्यमा राख्दै टिकट पाउने कुरामा पाटीले नै सौतेनी ब्यबाहार गरेको उनको भनाइ रहेको छ । नेकपा एमले बाजुराले क्षेत्र (क) बाट बलदेब रेग्मीलाई टिकट दिए पछि आफुलाई सौतेनी ब्यबाहार गरेको आरोप लगाउदै स्वतन्त्रबाट उम्मेद्वारी दिदै मनोनयन दर्ता गरेका छन ।
