292 पटक पढिएको
बाजुरा– आशन्न मंसिर ४ गतेहुने प्रदेश र प्रतिनिधी सभा निर्वाचनमा खटिने कर्मचारीहरुलाई आफ्नो विवरण भरेर पेश गर्न अनुरोध गरेको छ । जिल्ला निर्वाचन कार्यालय बाजुराले आज एक सूचना जारी गर्दै मंसिरमा हुँने प्रतिनिधिसभा सदस्य निर्वाचनको समानुपनतिक तर्फ मतदान गर्न निर्वाचनमा खटिने बाजुरा जिल्ला भरिका सम्पुर्ण कर्मचारीहरुलाई आफ्नो सबै विवरण पेश गर्न भनेको छ ।
मंसिर ४ मा हुने संघ र प्रदेश को निर्वाचनका लागि खटिने स्थानिय तहका कर्मचारीहरु, सुरक्षा निकाय, जिल्ला भरिका क्याम्पसहरुमा कार्यरत प्राध्यापक तथा कर्मचारीहरु, जिल्ला भरिका सम्पुर्ण विद्यालयका शिक्षक तथा विद्यालय कर्मचारीहरु सबैले मिति असोज २६ गते भित्र तोकिय बमोजिमको ढाँचामा सम्पुर्ण विवरण भरी विद्युतिय पेश गर्न सबैलाई जानकारी गरेको छ ।
बिवरण पेश गर्दा आफुले काम गर्ने संस्था वा कार्यालयको बिवरण, योग्यता, नेपाली नागरिकताको प्रमाण पत्र लगायतका कागजातहरु संलग्न राखी जिल्ला निर्वाचन कार्यालयको इमेल ठेगाना [email protected] मा अनिवार्य पठाउनु हुन अनुरोध गरेको छ । त्यस्तै जिल्ला निर्वाचन कार्यालय बाजुराले सोमबार निकालेको एक सूचना अनुसार अस्थायी मतदाता नामावलीमा नाम नभएमा निर्वाचनमा खटिएका कर्मचारीहरुले समानुपातिक तर्फ मतदान गर्न नपाउने समेत उल्लेख गरेको जिल्ला निर्वाचन कार्यालय बाजुराका कार्यालय प्रमुख नवराज अवस्थीले जानकारी दिनु भएको छ ।
