792 पटक पढिएको
बाजुरा– जिल्ला सदरुकाम मार्तडीमा सूरु भएको प्रथम मेयर कप फुटबल प्रतियोगिता भोली सम्पन्न हुने भएको छ । समाज सुधार युवा क्लवको आयोजना र बडीमालिका नगरपालिकाको आर्थिक सहयोगमा सदरमुकाम मार्तडीको क्रेटर जोन एकेडेमीमा सूरु भएको थियो ।
कार्तिक ३ गतेबाट सूरु भएको प्रथम मेयर कप फुटबल प्रतियो गितामा १७ वटा टिमहरु सहभागी भएका थिए भने सेमिफाइनल खेलमा २ वटा टिम बिच खेल भैरहेको छ । कार्तिक ३ गते एक कार्यक्रमका विच नगर प्रमुख अमर बहादुर खड्काले उद्घाटन गर्नु भएको थियो । बाजुरालाई खेल क्षेत्रको माध्यमबाट परिचित गराउन र बाजुरेली युवाहरूलाई खेल क्षेत्रमा आकर्सित गर्न उक्त प्रतियोगिता आयोजना गरिएको हो ।
समाज सुधार युवा क्लवका अनुसार प्रतियोगितामा प्रथम हुने टिमलाई नगद १ लाख ११ हजार १ सय ११, द्वितीय ५५ हजार ५ सय ५५ हजार सहित ट्रफी मेडल र प्रमाण पत्र प्रदान गरिने छ । त्यस्तै प्रतियोगिताको उत्कृष्ट खेलाडीलाई उचित पुरस्कारको समेत व्यवस्था गरिएको छ । आज सम्पन्न हुने भनिएको उक्त खेल समय अभावका कारण भोली कार्तिक ७ गते बिहान सेमिफाइनल खेलाएर सम्पन्न हुने भएको छ ।
सेमिफाइनल खेलमा रानिवन स्पोर्टस क्लब र जिल्ली क्लव बिच भैरहेको छ । जिल्ला क्लवले आज बेलुका सम्म भएको फुटबल खेलमा एक गोल गरेको छ भने खेलको समय नसकिदै अध्यारो भएकोले बाँकी समयको खेल कार्तिक ७ गते बिहन खेलाउने समाज सुधार युवा क्लवका अध्यक्ष प्रेम नेपालीले बताएका छन ।
