राम बहादुर दानी– जिल्लामा पनि नयाँ भेरियन्टको कोरोना भाइरस (कोभिट–१९) को महामारी फैलिरहदा जिल्लामा संक्रमितको संख्या दिन प्रतिदिन बढि रहेको छ । यसै क्रममा शनिवार बोलन्या थलीले प्राणका लागि प्राण अभियान संचालन गर्दै अक्सिजनका सिलिण्डर सहयोग गर्दै आएको छ ।
बोलन्या थलीले बाजुराका जिल्ला अस्पताल बाजुरालाई चार वटा र बुढीगंगा नगरपालिकामा रहेको टाँटे स्वास्थ्य चौकीलाई तीन वटा गरी जम्मा सात वटा अक्सिजनका सिलिण्डर हस्तान्तरण गरेको बोलन्या थली बाजुराका संयोजक भरत बुढाले लोकतन्त्र बिहानी न्युजलाई शनिबार नै जानकारी दिए ।

संयोजक बुढाका अनुसार जिल्ला अस्पतालका सिलिण्डर अस्पतालका कोभिड सूचना अधिकारी चुडामणी पन्त र टाँटे स्वाथ्य चौकीका सिलिण्डर नगर प्रमुख दीपक विक्रम शाहलाई हस्तान्तरण गरेको बुढाले बताए ।
बोलन्या थलीका संयोजक यादव जोशी उक्त अक्सिजनका सिलेण्डरहरु शनिबा नै दुबै ठाँउमा हस्तान्तरण गरेका थिए । प्राणका लागि पाँच सय अभियान अन्तरगत नेपालगन्जबाट अक्सिजन भरेर बोलन्या थलीको टिमले बाजुरामा पुगेर हस्तान्तरण गरिएको हो । कोरोना महामारीको समयमा बाजुरा जिल्लामा अक्सिजनको कमि हुदा बोलन्या थलीको निरन्तरको प्रयास पछि सिलिन्डर ल्याएर टाटे स्वास्थ्य चौकीको लागि पहल गरेको बोलन्या थली बाजुराका संयोजक बुढाको भनाई रहेको छ ।

यो महामारीको विषम परिस्थितिमा अक्सिजन नपाएर सर्वसाधारणको ज्यान जोगाउने उद्देश्यले बोलन्या थलीले अक्सिजनको पहल गरेर हस्तन्तरण गरेको बुढाले बताएका छन । यरी थप अक्सिजनको आवश्यक परे आफ्नो टिम अझै लागि लागेर प्राणका लागि पाँच सय अभियानमा सहयोग गर्ने बोलन्या थलीले अपिल गरेको हो ।

सुदुरपश्चिम प्रदेश सरकारका आन्तरिक मामिला तथा कानुन माननीय मन्त्री प्रकाश शाहको प्राविधिक सहयोग र बोलन्या थली केन्द्रिय संयोजक यादव जोशी, डडेल्धुरा युनिटका संयोजक दिपक भट्ट लगायत सरोज तमोली, बाजुरा युनिटका संयोजक भरत बुढा लगायत पुर्ण जैसी, रुगम रावलको विशेष पहलमा अक्सिजन उपलब्ध भएको बोल्न्या थली बाजुराका संयोजक बुढाले लोकतन्त्र बिहानीलाई बताएका हुन् ।