चक्र बहादुर अएडी– नेपाल प्रेस यूनियन जिल्ला शाखा बाजुराको आयोजनामा गरिएको कोभिड १९ को अवस्था र न्यूनिकरणमा हाम्रो भुमिका विषयक जुम मिटिङ अन्तरक्रिया कार्यक्रममा बोल्दै त्रिवेणी नगरपालिका नगर प्रमुख रामसिंह रावलले कोरोना भाईरस संक्रमित विरामीहरुलाई अन्यत्र लिन एम्बुलेन्स सरह निजि गाडीहरु भाडामा लिने गरि तयारी गरेको बताउनु भयो ।
कोरोना संक्रमित विराहरुको समस्यालाई मध्यनजर गरि जति बेला पनि सो गाडीहरुलाई तयारि अवस्थामा राखिएको जानकारि गराउनु भएको छ । विश्वमा फैलिएको कोरोना भाईरस कोभिड १९ दिन प्रतिदिन देशमा फैलिरहेको अवस्थामा बाजुरा जिल्लामा पनि मृत्यु हुनेको संख्या र संक्रमित हुनेको संख्या बढिरहेको छ । सो विषयलाई मध्यनजर गरि प्रेश युनियन जिल्ला शाखा बाजुराले आयोजना गरिएको प्रेश युनियनका अध्यक्ष प्रेम रौलेले बताए ।
सो बैठकमा बोल्दै नगर प्रमुख रावलले त्रिवेणी नगरपालिकाले कोरोना सम्वन्धि विभिन्न किसिमका कार्य गर्दै आएको बताउनु भयो । प्रमुख रावलका अनुसार नगरपालिकामा कोभिड अस्पताल संचालनको तयारी भईरहेको र सो अस्पतालको लागि जनशक्तिको पनि व्यवस्थापन भईरहेको जानकारि दिनु भयो । त्यस्तै प्रत्येक वडामा रहेका स्वास्थ्य चौकि मार्फत सचेतना मुलक कार्यक्रम गराउन वडा कार्यलयहरुलाई पनि जानकारि गराएको बताए । त्रिवेणीमा कोरोनाको जस्तो सुकै समस्या आएपनि त्यस्को समाधान गर्न नगरपालिका हरपल तयार रहेको बताएको छ ।