102 पटक पढिएको
बाजुरा– जिल्लामा बुधबार ४ जना कोरोना सक्रमित थपिएका छन् । बुधबार गरिएको परिक्षणमा ४ जना संक्रमित थपिएसंग जिल्लामा संक्रमितको संख्या चार सय ४१ पुगेको स्वास्थ्य कार्यालय बाजुराले जनाएको छ ।
बुधबार चार सय ४१ जनामा २ जना निको भएर घर फर्किएका छन् । निको हुनेको संख्या दुई सय ६१ पुगेको स्वास्थ्य कार्यालय बाजुराका निमित्त कार्यालय प्रमुख महेश चन्दले जानकारी दिएका छन् ।
उनले दिएको जानकारी अनुसार चार सय ४१ जना संक्रमित मध्ये हाल एक सय ७३ रहेको बताए । सक्रिय संक्रमित मध्ये होम आइसोलेसनमा एक सय ७३ जना र आइसोलेसनमा उपचाररत ४ जना रहेको निमित्त प्रमुख चन्दको भनाई रहेको छ ।
बुधबार बुढीगंगा नगरपालिकामा एक् जना र बुढीनन्दा नगरपालिकाका ३ जना गरी ४ जनामा कोरोना संक्रमण पुष्टी भएको स्वास्थ्य कार्यालय बाजुराका निमित्त प्रमुख चन्दले भने ।
जिल्लामा कोरोना संक्रमणबाट मृत्यु हुनेको संख्या ७ पुगेको चन्दले भने । कोरोना संक्रमणबाट पाँच जनाको आइसोलेसनमा उपचार गर्दागर्दै जिल्ला अस्पताल बाजुरामा मृत्यु भएको हो । भने दुई जनाको होम आइसोलेसनमा उपचारका क्रममा मृत्यु भएको बताइएको छ ।
