बाजुरा जिल्लाको कुण्डा क्षेत्रमा कृषि, जल पर्यटन तथा सांँस्कृतिक महोत्सव हिमाली गाउँपालिकामा उद्घाटन गरिने भएको छ।

“जैविक कृषि, गुणस्तरीय पर्यटन तथा परम्परागत संस्कृति संरक्षण र विकास, कुण्डा क्षेत्रका नागरिकको समुन्नति तथा गुणस्तरीय जीवनका लागि हाम्रो प्रयास” भन्ने मुल नारा रहेको छ। बाजुरा जिल्लाको कुण्डा क्षेत्रमा रहेको धार्मिक, सांँस्कृतिक, पर्यटन एवं जैविक विविधता र ऐतिहासिक पुरातात्त्विक क्षेत्रको एकीकृत विकासका साथै कर्णाली नदीको संरक्षण सम्बर्द्धन र उपयोग गरी जल पर्यटन प्रबर्द्धन गर्नका लागि महोत्सव सञ्चालन गरिने भएको छ।

नेपाल पर्यटन बोर्ड, उद्योग पर्यटन वन तथा वातावरण मन्त्रालय सुदुरपश्चिम प्रदेशको समन्वय र सहकार्य गरिएको छ। बाजुरा जिल्लाको क्षेत्र नमूना क अन्तर्गतका हिमाली गाउँपालिका र स्वामिकार्तिक खापर गाउँपालिकाको संयुक्त आयोजना हुन लागेको कृषि, जल पर्यटन तथा सांँस्कृतिक महोत्सव कार्यक्रम बैशाख ४ गते बिहान हिमाली गाउँपालिका धुलाचौरमा उद्घाटन गरिने हिमाली गाउँपालिकाले जनाएको छ।

बाजुरा कुण्डा क्षेत्रमा पहिलो पटक सांस्कृतिक महोत्सवको कार्यक्रम गरिने भएको छ। जिल्लाका चार वटा स्थानिय तहलाई लक्षित गरी कुण्डा क्षेत्रमा पहिलो पटक आयोजना गरी महोत्सव कार्यक्रम हुने भएको छ। कुण्डा क्षेत्रमा कृषि, जल पर्यटन तथा सांँस्कृतिक महोत्सव कार्यक्रम बैशाख ४ गते देखि ८ गते सम्म महोत्सव सञ्चालन गरीने भएको छ। बाजुराको सम्भावना, प्राकृतिक स्रोत साधान, ऐतिहासिक तथा धार्मिक महत्व र बाजुराका रहन सहन, रीतिरीवाज र संस्कार संस्कृतिलाई उजागार गर्न बाजुराका चार वटै पालिकाले संयुक्त रुपमा महोत्सवको आयोजनामा गरिने छ।

गरिबी र पछौंटेपनका रुपमा चिनिने बाजुरालाई सम्भावनाका रुपमा चिनाउन महोत्सवको विषेश भुमिका रहने भएको देखिन्छ। चार दिन सम्म चल्ने महोत्सवमा प्रत्यक स्थानिय तहका विभिन्न किसिमका स्थानिय स्तरका चिनारी, विभिन्न कृर्षि उत्पादित वस्तु, पर्यटन तथा धार्मीक स्थल, सभ्यता संस्कृति, भेषभुषा लगायतका स्थानिय स्तरका विभिन्न कला प्रर्दशन गरीने पनि जनाएको छ।