राम बहादुर दानी बाजुरा जेष्ठ १५–बाजुरा जिल्ला खप्तड छेडेदह गाँउपालिका वडा नं. ७ घर भएका सुरेश कठायतको शनिबार डढेल्धुरा अस्पतालमा कोभिड–१९ का कारण मृत्यु भएको छ । उनलाई कोरोना संक्रमण पुष्टि भए पछि जिल्ला अस्पताल बाजुरामा भर्ना गरिएको थियो ।
जिल्ला अस्पताल बाजुरामा अक्सिजनको समस्या भएकोले मृतक कठायतलाई थप उपचारका लागि जेष्ठ २ गते जिल्ला अस्पताल डढेल्धुरामा रिफर गरिएको थियो । शनिबार कोरोनाका कारण कठायतको मृत्यु भए पछि उनकी श्रीमति सरिता (रावत) कठायतले पनि शनिबार नै जिल्ला अस्पताल डढेल्धुरा नजिकै रहेको जंगलमा पासो लगाएर आत्महत्या गरेको जिल्ला प्रहरी कार्यालयका प्रहरी नायव उपरिक्षक महेन्द्र नेपालले लोकतन्त्र विहानी न्युजलाई जानकारी दिए ।
शनिबार श्रीमानको मृत्यु भए पश्चात आत्महत्या गरेकी सरिताले के कति कसरी कुन कारणले आत्महत्या गरेकी हुन् तथ्य खुल्न सकेको छैन। जिल्ला प्रहरी कार्यालय डढेल्धुराबाट घटना स्थल तिर प्रहरी परिचालन गरिएको थियो । डढेल्धुरा हस्पतालको २०० मिटर तल रहेको जंगलमा चुन्नीको पासो लगाएर आत्महत्या गरेको प्रहरी नायव उपरिक्षक नेपालले जानकारी दिए ।
शनिबार नै सरिताको लासलाई जिल्ला अस्पताल डढेल्धुरामा पोस्टमाटमका लागी राखिएको जिल्ला प्रहरी कार्यालय डढेल्धुराका प्रहरी प्रवक्ता राजेन्द्र चन्दले लाेकतन्त्र बिहानी न्युजलाई जानकारी दिए ।