1,225 पटक पढिएको
बाजुरा- हिमाली गाउँपालिकाले आज धुलाचाैरमा माथिल्लो कर्णाली जल पर्यटन महाेत्सवकाे तयारी तिब्र गर्न हिमलीमा बैठक बसेकाे छ।
बैठकले विभिन्न क्षेत्रका ब्यतिलाइ जिम्मेवारी दिएकाे छ। त्यस्तै अाज हिमालीकाे धुलाचाैर बजार सरसफाई गरेको छ । आउदो वैशाख ४ गते देखि सञ्चालन हुने माथिल्लो कर्णाली महोत्सवको पुर्व सन्ध्यामा रहेर गाउँपालिकाले बजार सरसफाई गरेको हो । गाउँपालिकाको केन्द्र रहेको धुलाचाैर बजार र आसपासका क्षेत्रमा सफाई गरीएको गाउँपालिकाका निमित्त प्रमुख प्रशासकिय अधिकृत राजबहादुर भण्डारीले जानकारी दिनुभयो।
उहाँले बजार क्षेत्र आसपासमा यत्रतत्र छरीएर रहेको शिसाजन्य पर्दाथ र विभिन्न होटेल पसलबाट निस्कीएको फोहोरमैलालाई सफाई गरी ब्यवस्थित गरीएको बताउनुभयो। धुलाचाैर बजार ब्यवस्थापन समितिले बेला बेला बजार सफाई गर्ने गरे पनि ब्यवस्थित हुन नसकेको फोहोरलाई कर्मचारीको टोलीले सफाई गरी ब्यवस्थीत गरेको उहाँले बताउनुभयो।
विभिन्न ठाउँबाट निस्केको फोहोरलाई बर्गिकरण गरी डिस्पोजल गरीएको बताउदै उहाँले ब्यवसायीलाई पनि सचेत गराईएको बताउनुभयो । आउदो वैशाख ४ गते देखि ७ गते सम्म कुण्डा क्षेत्रमा पहिलो पटक महोत्सवको आयोजना हुनेभएको छ। हिमाली गाउँपालिका र स्वामीकार्तिक खापर गाउँपालिकामा सञ्चालन हुने माथिल्लो कर्णाली महोत्सवको तयारी तिर्व पारीएको छ ।
महोत्सवका लागि कलाकार देखि अतिथिहरुको टुगाें, मञ्च ब्यवस्थापन, स्थान छनोट, सुरक्षा ब्यवस्थापन र स्वयमसेवक परीचालन लगायतका तयारी पुरा भएको आयोजकले जनाएको छ । जैविक कृर्षि गुणस्तरीय पर्यटन तथा परम्परागत संस्कृतिको संरक्षण र विकाश, कुण्डा क्षेत्रका नागरीकको समुन्नती तथा गुणस्तरीय जीवनका लागि हाम्रो प्रयास भन्ने मुल नाराका साथ कुण्डा क्षेत्रमा महोत्सवको आयोजना हुने भएको हो ।
