126 पटक पढिएको
बाजुरा– जिल्लाको त्रिवेणी नगरपालिकाले (कोभिड-१९) अस्थायी अस्पताल संचालनमा ल्याएको छ । नगरापलिकाले कोरोना महामारीसँग लड्न, सर्वसाधारणलाई गुणस्तरीय स्वास्थ्य सेवा प्रबाह गर्ने उद्देश्यले नगरपालिकाको मुख्य केन्द्र टुडेगडा तोलिमा अस्थायी कोभिड अस्पताल संचालनमा गरेको छ ।
अस्पतालको एक औपचारिक कार्यक्रमका विच नगरप्रमुख रामसिंह रावलले उद्धघाटन् गरेका हुन् । अस्थायी कोभिड अस्पतालको उद्धघाटन् गर्दै नगरप्रमुख रावलले नगरबासीको गुणस्तरीय स्वास्थ्य सेवामा प्रतिबद्ध भएर लागिरहेको बताएका छन् । नगरपालिका कोभिडको नियन्त्रण र रोकथामका लागि निरन्तर लागिरहेको नगरप्रमुख रावलले कार्यक्रममा जानकारी गराएका थिए ।
आईतबारबाट संचालनमा ल्याईएको अस्थायि कोभिड अस्पतालमा मेडिकल अफिसर सबिना श्रेष्ठ लगायत पारामेडिकलद्वारा सेवा सुचारु भएको छ । उदघाटन कार्यक्रममा त्रिबेणि नगपालिकाका उपप्रमुख राधिका सुनार, सम्पुर्ण वडाका वडा अध्यक्ष, प्रमुख प्रसासकिय अधिकृत, कार्यपालिका सदस्य, नगरपालिकाका कर्मचारी ,स्थानिय राजनीतिक दलका प्रमुख तथा प्रतिनिधि, सरोकारवालाहरुको उपस्थिति रहेको विद्यार्थी नेविसँघका नेता भरत बुढाले जानकारी दिएका छन् ।
