524 पटक पढिएको
बाजुरा-जिल्ला बाट निर्वाचीत प्रतिनिधि सभा सदस्य बद्री प्रशाद पाण्डेले आयात मात्र भन्दा पनि निर्यात पनि गर्न सक्नुपर्ने बताउनु भएको छ । जिल्लाको बुढीगंगा नगरपालिका वडा न .६ बडिमालिका क्याम्पस फालासैनमा आयोजित बार्जु महोत्सवमा पुग्नु भएका पाण्डेले आज सातौ दिनको कार्यक्रममा बोल्दै यस्तो बताउनुभएको हो । आफैले उत्पादन गरेका बस्तुहरु बाहिर निर्यात गरि आय आर्जन गर्न सकेमा मात्र बाजुरा समृद्ध बन्ने नेपाली कांग्रेस केन्द्रिय सहमहामन्त्री समेत रहेका सांसद पाण्डेको भनाई थियो ।
दैनिक उपभोग्य बस्तु समेत आयात गर्नुपर्ने बाध्यता रहेको बताउनुहुँदै पाण्डेले हामी पहिला आफुमा आत्मनिर्भर बन्न सकेनौं भने समृद्धिको गुणगान गाउनु अनुचित हुने बताउनुभयो । पाण्डेले आफुलाई आवस्यक बस्तु समेत उत्पादन गरेर आफैमा आत्मनिर्भर बन्न सक्नुपर्नेमा जोड दिनुभएको हो । जिल्ला भित्र उत्पादित बस्तु बाहिर बेचेर आयातलाई घटाएर निर्यातलाई बढाउन सकेमा जिल्लाको विकासमा टेवा पुग्ने बिश्वास व्यक्त गर्नुभयो ।बाजुरा दक्ष जनशक्ति उत्पादनमा अझै निकै पछाडी रहेको बताउनुहुँदै बाजुरा जिल्लाका युवाहरूलाई अन्य जिल्ला संग अथवा अन्य राष्ट्र संग खुला प्रतिस्पर्धा गर्न सक्ने क्षेमताको बिकास गर्न पनि आग्रह गर्नुभयो ।
नेपालले संगीत क्षेत्रमा फड्को मार्नुका साथै नेपालका कलाकारले देश बिदेशमा आफ्नो राम्रो छवि बनाउन सफल भएको बताउनुहुँदै यो सिङ्गो राष्ट्रकै लागि गौरवको बिषय रहेको उहाँले बताउनुभयो । नेपाली कलाकारहरुले बनाएका गीत संगीतहरु बिदेशमा बाइकको बताउनु हुँदै स्वदेशी उत्पादन निर्यातको उद्घारणका रुपमा लिन सकिने उहाँको भनाई थियो । कलाकार राष्ट्रकै पहिचान रहेकाले कलाकारको सम्मान गर्नुपर्ने पनि उहाँले बताउनुभएको हो । बाजुरेली जनताले निर्वाचित गरेर पठाएपछि आफुले संसदना सिङ्गो बाजुराको प्रतिनिधित्व हुने गरि जनताका आवाजहरु बुलन्द गरिरहेको पनि पाण्डेले दावी गर्नुभएको छ । कार्यक्रमको थप सफलताको शुभकामना व्यक्त गर्नुहुँदै पाण्डेले महोत्सवको आयोजनाले सिङ्गो बाजुराको बिकासमा टेवा पुग्ने बताउदै पाण्डेले यो नयाँ सुरुवातमा आफ्नो पनि साथ सहयोग रहेने बताउनुभएको छ ।
