25 पटक पढिएको
राम बहादुर बि.क. बाजुरा-
त्रिवेणी नगरपालिका वडा नं ८ मा दलित समुदायमा गरिवीको रेखामुनी रहेका दलित परिवारहरुलाई एक घरमा एक सिलाई मेसिन सहितका समाग्री सहयोग गरिएको छ ।
त्रिवेणी नगरपालिकाको आर्थिक सहयोगमा एक घरमा एक सिलाई मेसिन सामाग्री सहयोग गरिएको स्थानिय भरत बहादुर बुढाले बताउनु भएको छ । विहिवार नगरप्रमुख रामसिहं रावल उक्त वडामा पुगी सिलाई मेसिन सहित सिलाईमा चाहिने सवै सामाग्री हस्तान्त्रण गरिएको स्थानिय बुढाले बताएका छन ।
त्रिवणी नगरपालिका वडा नं ८ मा सिलाई कटाईको व्यवसाय गर्दै आएका दलित परिवार सवैलाई सो सामाग्री सहयोग गरिएको नगरपालिकाले बताएको छ । यता नगरपालिकाले सिलाई कटाई व्यवसाय गर्न चाहने तर आर्थिक अभावका कारण व्यवसायमा संग्लन हुन नसकेका परिवारलाई विभिन्न किसिमका तालिम , गोष्ठि र सामाग्री सहयोग गर्दै आएको नगरप्रमुख रामसिंह रावलले बताएका छन ।
नगरपालिकाले बढिजसो लक्षित बर्ग लगाएत अन्य नागरिकहरु समेटिने गरी बढि प्राथमिकतामा राखेको नगरप्रमुख रावलको भनाई रहेको छ ।
सिलाई मेसिन हस्तान्त्रण कार्यक्रममा नगरप्रमखु रामसिंह रावल , कार्यपालिका सदस्य हरि नेपाली लगाएत स्थायिहरुको सहभागिता रहेको थियो । साथै सिलाई मेसिन सहयोग कार्यक्रम संगै उतm वडाका सिलाई कटाई व्यवसायीहरुलाई एक महिना निशुल्क सिलाई कटाई तालिम समेत संचालन भएको छ ।
प्रतिक्रिया
सम्बन्धित खवर
