144 पटक पढिएको
बाजुरा– जिल्लामा पछिल्लो समयमा कोरोना भाइरस तथा (कोभिड –१९) दोस्रो लहरबाट संक्रमित हुनेको संख्या केहि दिन अगाडी शुन्यमा घटेता पनि पछिल्लो २४ घण्टामा भने कोरोनाले उकालो सिडी चढेको पाइएको छ ।
जिल्ला स्वास्थ्य कार्यालय बाजुराले दिएको जानकारी अनुसार जिल्लामा पछिल्लो २४ घण्टामा थप ४३ जनामा कोरोना संक्रमण पुष्टि भएको बताएको छ । जिल्लामा अहिले सम्मकै एकै दिनमा संक्रमण हुँने दर उच्च रहेको छ ।
शनिबार ६० जनामा एन्टिजेन विधीबाट गरिएको परिक्षणबाट थप ४३ जनामा कोरोना भाइरस संक्रमण पुष्टि भएको स्वास्थय कार्यालय बाजुरा प्रमुख दयाकृष्ण पन्त लोकतन्त्र बिहानी न्युजलाई बताएका छन ।
शनिबार संक्रमित हुनेमा १ जना बडिमालिका नगरपालिकाका, ३५ जना गौमुल गाउंपालिकाका,५ जना हिमाली गाउपालिकाका,१ जना स्वामीकार्तिक गाउपालिकाका,र १जना जगनाथ गाउपालिकाका रहेको स्वास्थ्य कार्यालय बाजुराले बताएको छ ।
शनिवार एकै दिन थप ४३ जनामा कोरोना संक्रमण पुष्टि भए संगै संक्रमितको संख्याको ६ सय १६ जना पुगिसकेको प्रमुख पन्तले किनारा न्युजलाई बताएका छन। त्यस्तै २४ घण्टा पछि ४ जनाले कोरोना जितेर घर फर्किए संगै हाल सम्म कोरोना संक्रमणबाट निको हुनेको संख्या ३ सय ७२ जना पुगिसेको स्वास्थ्य कार्यालय बाजुराको तथ्याङ्कमा रहेको छ ।
हाल सम्म बाजुरामा संक्रिय संक्रमितको संख्या २ सय ३७ जना पुगेको छ भने २ सय २९ जना होम आइसोलेसनमा रहेका छन् ।
यो संगै ८ जना संक्रमित आइसोलेसनमा रहेका छन र अहिले सम्म कोरोनाका कारण जिल्लामा ९ जनाको मृत्यु भइसको छ ।
