57 पटक पढिएको
बाजुरा= त्रिवेणी नगरपालिका वडा ८ को वडा कार्यालय देखि ढडाली सम्मको ग्रामीण सडक वर्षाका कारण अवरुद्ध भएपछि त्रिवेणी नगरपालिका नगर प्रमुख कर्ण बहादुर थापा र वडा नम्बर ८ का अध्यक्ष गगनजंग बुढा डोजर लगेर आफै कामको लागी खटीएका छन । बर्षातको समयमा पालिका भित्र रहेका सडक अवरुद्ध भएपछि मेयर थापा र अध्यक्ष बुढा डोजर लगेर सडक निमार्णको लागी खटीएका छन । लगातारको बर्षातले गर्दा रोडहरु चारैतिर अबरुद्ध भएपछि यातायात संञ्चालनमा असहज पुग्दा उक्त यातायात संञ्चालनमा सहजता ल्याउन आफै डोजर लगेर काममा गएको नगरप्रमुख थापाले बताएका छन ।
आफ्नो पाँच बर्षे कार्यकालमा पालिकामा रहेका हरेक समस्याहरुको समाधान गर्नको लागी आफु सधै कटिबद्ध रहने पनि थापाले बताए । कार्यकालको एक बर्ष पुरा भएतापनि अबको आउँदो चार बर्षमा नगरपालिकालाई बिकाशको गतिमा अगाडी बढाउन आफु सधै लागी पर्ने पनि बताएका छन । त्रिबेणी नगरबासीहरुलाई नगरपालिकाबाट प्राप्त सेवासुबिधाहरु पनि एकै किसिमले प्रदान गरीने मेयर थापाको भनाई रहेको छ । पालिका भरी जतिसुकै ठाँउमा अबरुद्ध भएका सडकखण्डहरु तत्काल संञ्चालनमा ल्याउन आफै डोजर लगेर खटिने पनि मेयर थापाले बताएका छन ।
