162 पटक पढिएको
बाजुराः– केहि दिन अगाडी कोरोना पुष्टि भएकी हिमाली गाउँपालिका–५ की ८१ वर्षीया एक महिलाको होम आइसोलेसनमा शनिबार राति मृत्यु भएको स्वास्थ्य कार्यालय बाजुराका वरिष्ठ जनस्वास्थ्य अधिकृत दयाकृष्ण पन्तले जानकारी दिएका छन् ।
पन्तका अनुसार मृत्यु हुने महिला लामो समय देखि दमको रोगले ग्रस्त भएकी र निज महिलाको कोरोना संक्रमणबाट मृत्यु भएको बताइएको छ ।
बाजुरामा कोरोना भाइरस (कोभिड–१९) को नयाँ भेरियन्टबाट मृत्यु हुनेको संख्या ८ पुगेको वरिष्ठ जनस्वास्थ्य अधिकृत पन्तले बताए ।
जिल्ला अस्पताल बाजुरामा उपचारका क्रममा पाँच जनाको मृत्यु भएको हो । भने दुई जनाको होम आइसोलेसनमा मृत्यु भएको थियो ।
अक्सिजिनको समस्याका कारण जिल्ला अस्पताल बाजुराले रिफर गरिएका तीन जना कोरोना संक्रमितको मृत्यु समेतेड्दा मृत्यु हुनेको संख्या ११ जना पुगेको स्वास्थ्य कार्यालयले जनाएको छ ।
११ जना मृतक मध्य तीन जना संक्रमितको डडेल्धुरा जिल्ला अस्पतालमा उपचारका क्रममा मृत्यु भएको थियो भने ८ जनाको जिल्लामा नै मृत्यु भएको जिल्ला स्वास्थ्य कार्यालयले जनाएको छ ।
प्रतिक्रिया
सम्बन्धित खवर
