140 पटक पढिएको
बाजुरा– बाजुरामा पछिल्लो २४ घण्टामा एन्टिजेन विधीबाट कोरोना परिक्षण गर्दा ३५ जनामा संक्रमण पुष्टी भएको छ ।
जिल्लाको ९ वटै पालिकामा गरिएको एन्टिजेन प्रविधीबाट परिक्षण गर्दा ३५ जनामा कोरोना पुष्टि भएको स्वास्थ्य कार्यालय बाजुराले जनाएको छ । आइतवार ३५ जना थपिएसंगै बाजुरामा कोरोना संक्रमितका संख्या ६ सय ५१ पुगेको स्वास्थ्य कार्यालय बाजुराका वरिष्ठ जनस्वास्थ्य अधिकृत दयाकृष्ण पन्तले जानकारी दिए ।
आइतबार ६९ जनामा गरिएको कोरोना परिक्षणमा ३५ जनामा संक्रमण देखिएको स्वास्थ्य कार्यालयका बरिष्ठ अधिकृत पन्तले लोकतन्त्र बिहानी न्युजलाई जानकारी दिए ।
हाल सम्म जिल्लामा संक्रमित भएका ६ सय ५१ जना मध्ये दुई सय ५१ जना होम आइसोलेसनमा रहेका छन भने ८ जनाो आइसोलेसनमा उपचार भैरहेको वरिष्ठ जनस्वास्थ्य अधिकृत पन्तले जनाकारी दिए ।
आइतबार कोरोना संक्रमित भएका मध्य १२ जनाले कोरोनो जितेका छन । कोरोना निको हुनेको संख्या बाजुरामा हाल्सम्म ३ सय ८४ जना पुगेको स्वास्थ्य कार्यालय बाजुराले जनाएको छ ।
हाल सम्म एन्टिजेन प्रविधीबाट कोरोना परिक्षण गरिएका मध्ये बडीमालिका नगरपालिकामा ३ जना, बुढीनन्दा नगरपालिकामा ४ जना, बुढीगंगा नगरपालिकामा ११ जनामा संक्रमण पुष्टि भएको हो ।
यस्तै त्रिवेणी नगरपालिकामा ३ जना, गौमुल गाउँपालिकामा ७ जना, हिमाली गाउँपालिकामा ५ जना र स्वामीकार्तिक खापर गाउँपालिकामा २ जनामा गरी आइतबारमात्र ३५ जनामा कोरोना संक्रमण पुष्टी भएको जनकारी प्राप्त भएको छ ।
आइतबार एक जना कोरोना संक्रमितको मृत्यु भएको छ । जिल्लामा मृत्यु हुनेमो संख्या ८ पुगेको कार्यालयको तथ्यांकमा उल्लेख गरिएको छ ।
