बाजुरा: जिल्लामा कारोना विरुद्धको ‘भेरोसेल’ खोप लगाइने भएको छ जिल्ला स्वास्थय कार्यालय बाजुराका अनुसार नेपाल सरकारको नियम अनुसार जिल्लाभरीका ६२ देखि ६४ बर्ष भित्रका वृद्धवृद्धालाई कोरोना विरुद्धको ‘भेरोसेल’ खोप लगाइने भएको हो ।
बाजुरा जिल्लामा कारोना विरुद्धको भारोसेल खोप २२ सय डोज लगाइने भएको जिल्ला जनस्वास्थ्य कार्यालय बाजुराका बरिष्ठ जनस्वास्थय अधिकृत दयाकृष्ण पन्तले किनारा न्युजलाई बताएका छन् । उनका अनुसार जिल्लाभरीका ६२ देखि ६४ बर्ष उमेर समुहका वृद्धवृद्धालाई खोप लगाउने गरी बाजुरा जिल्लामा कोरोना विरुद्धको ‘भेरोसेल’ खोप २२ सय डोज पुगिसकेको बताइएको छ ।
कोरोना विरुद्धको ‘भेरोसेल’ खोप लगाउनका लागि ६२ देखि ६४ बर्ष उमेर समुहका वृद्धवृद्धालाई तथ्यांक संकलन भैरहेको र खोप लगाउनका लागि जिल्ला स्वास्थय कार्यालय बाजुराबाट जिल्लाको पुर्वी उत्तरी क्षेत्रमा पठाइसकिएको र अन्य पालिकामा पनि कोरोना विरुद्धको खोप पठाई तत्काल लगाइने भएको बरिष्ठ जनस्वास्थय अधिकृत पन्तले बताए ।
बाजुरामा हालसम्म कोरोना विरुद्धको कोभिडसिल्ड खोप पहिलो चरणमा १३ हजार ६ सय ७९ र दोस्रो चरणमा १ हजार आठ सय ४९ जना गरी १५ हजार पाँच सय २८ जनाले लगाएको जिल्ला स्वास्थ्य कार्यालय बाजुराको तथ्यांक रहेको छ ।