151 पटक पढिएको
बाजुरा= नेपाली काङ्ग्रेस बाजुराले सांगठनिक सुदृढीकरण लागि आन्तरिक विशेष अभियान हिमालीमा सम्पन्न गरेको छ।नेपाली काङ्ग्रेस हिमाली गाउँ कार्यसमिति धुलाचौरको संयोजनमा कार्यक्रम गरिएको छ। वडा र टोलमा नेपाली काङ्ग्रेस पाटी कसरी बलियो बनाउन सकिन्छ भन्ने विषयमा पाटी बिच नेताकार्यकर्ता बिच छलफल भएको छ। यतिमात्र होइन अझै पाटीलाई कसरी बलियो र राम्रो बनाउने कुरालाई पाटीमा सकारात्मक विषयका रुपमा छलफल समेत गरीएको छ ।
पाटी लाई सुदृढीकरण गर्न पाटीका जिम्मेवारीबाट प्राप्त भएको व्यक्ति तथा पाटी जितेर जनप्रतिनिधि भएको जिम्मेवार मान्छेले बढी लागीपर्ने विशिष्ट अतिथि नृप वडले बताउनुभयको छ । सबै वडा टोलमा सभापति मिलेर पाटी सुधार गर्न पक्ष लैजानुपर्ने वडले बताएका छन ।यसपटक धेरै ठाउँ ठाउँबाट बजेटको गुनासो आएको छ। समय छोटो हुँदा बजेट रकम कम भएको छ। यो पहिलो वर्ष हो अब आउने आर्थिक वर्षमा समग्र बाजुरा जनतालाई पहिलो प्राथमिकता दिइने पाटी सुधार गर्न हामी सवै एकजुट भएर लाग्नुपर्ने प्रमुख अतिथि नेपाली काङ्ग्रेस सहमहामन्त्री एवम् प्रतिनिधि सभा सदस्य बर्दी प्रसाद पाण्डेले बताउनुभएको छ ।
हिमाली गाउँ कार्यसमिति पाटी सभापति अमलाल कार्की को अध्यक्षतमा संञ्चालन भएको कार्यक्रमको प्रमुख अतिथि नेपाली काङ्ग्रेस सहमहामन्त्री एवम् प्रतिनिधि सभा सदस्य बर्दी प्रसाद पाण्डे रहनु भएको थियो बिशिस्ट अतिथि नेपाली काङ्ग्रेस केन्द्रिय सदस्य एवम् केन्द्रिय प्रतिनिधि नृप बहादुर वड, नेपाली काङ्ग्रेस जिल्ला कार्य समिती सभापति रामसिंह रावल, नेपाली काङ्ग्रेस नेता एवम् पुर्व सविधानसभा सदस्य महा नेपाली, अतिथि नेपाली काङ्ग्रेस महासमिति सदस्य एवम् हिमाली गाउँपालिका अध्यक्ष गोबिन्द बहादुर मल्ल लगायत प्रदेश कार्य समिति, जिल्ला कार्य समिति, क्षेत्रीय प्रदेश कार्य समिति, गाउँ कार्य समिति, वडा कार्यसमिति, टोल कार्य समिति, लगायत नेताकार्यकर्ताको उपस्थितिमा कार्यक्रम सम्पन्न गरीएको छ ।
