402 पटक पढिएको
बाजुराः हिमाली गाउँपालिका वडा नम्बर ३मा रहेको युना माध्यमिक बिधालय काठको टहरामा संचालन भएको छ ।
युना माध्यमिक बिधालय दुई गाउँकै बिचमा रहेको छ। पहिला युना गाउँको स्कुल र बौडी गाउँको बिधालय अलगअलग संचालित भएका थियो । अहिले दुबै गाउँका स्कुल मर्च गरेर प्रस्तावित माध्यमिक बिधालय सुरु गरिएको छ। नयाँ प्रस्तावित माध्यमिक बिधालय सञ्चालन हुँदै गर्दा विभिन्न किसिमका समस्या परेको छ। कक्षा कोठाको व्यवस्थापन लागि अप्ठ्यारो परेको छ। बालबालिका लाई पठनपाठन र कक्षा कोठा साना भएको कारणले ठुलो समस्या आइरहेको छ। भने बिधालय पक्की भवन नहुदा काठ र टिनको टहरा बनाएर संचालित गरिएको छ।
एउटा कोठा बोलेका कुरा अर्को कोठामा आवाज सुनिने हुँदा पढाई प्रभावित हुन सकेको छैन। बिधालयमा उचित किसिमको शौचालय व्यवस्था छैन। भने साना बालबच्चाहरुलाई स्कुलमा आउन बाटो बिग्रेको हुँदा आवतजावत समेत समस्याभएको छ। बिधालय आउँदा बालबालिका जोखिम मोलेर स्कुलमा पुग्नुपर्ने बाध्यता रहेकोे छ। सानो देखि ठुलो कक्षाका विद्यार्थी भाइबहिनी हरुलाई बाटो पहिरो बिग्रेको संगै खोला तर्नु पर्ने हुँदा बिधालय आउन जान समस्या भएको छ। बिधालयमा भौतिक संरचना देखि शौचालय र पिउनको लागि खानेपानी, भौतिक सामाग्री समस्या रहेकोे बिधालय शिक्षक मनसुर सुनारले बताउनुभएको छ ।
हिमाली गाउँपालिका र वडा जनप्रतिनिधि लगायत समुदायको पहलमा यही शैक्षिक सत्रदेखि माध्यमिक बिधालय सञ्चालन गरिएको छ। युना आधारभुत र बौडी आधारभुत बिधालय मर्च गरि युना माध्यमिक बिधालय युना गाउँ र बौडी गाउँ बिचको केन्द्र पर्ने जातुबैना भन्ने ठाउँमा मावि संचालन गरिएको छ। बौडी गाउँको बिधालय लाई ३ कक्षा सम्म सञ्चालन राख्ने युना आधारभुत बिधालय लाई माध्यमिक बिधालय सञ्चालन गरेको बिद्यालयका प्रधानाध्यापक पदम बहादुर रोकायाले बताउनुभएको छ ।
