98 पटक पढिएको
बाजुराः- सरकारले ताेकेकाे स्वास्थय मापदण्ड अनुरुप सामाजिक दुरी कायम गर्नुकाे साँटाे सदरमुकाम मार्तडीमा नै पुर्ण रुपमा निषेधाज्ञाकाे उल्लङ्घन भएकाे छ । सदरमुकाम मार्तडीकाे नेपाल खाद्य संस्थानमा र राष्ट्रिय वाणीज्य बैकमा पुर्ण रुपमा निषेधाज्ञाको उल्लङ्घन गर्न थालिएका हो ।
नेपाल सरकारले कोरोना महामारी फैलिएपछि जारी गरेको निषेधाज्ञापछि नेपाल खाद्य संस्थानको चामलमा २० प्रतिशत छुट दिन थालेपछि गाउँघरबाट स्थानियहरु चामल लिनका लागि घुइचो गरी आउने गर्न थालेपछि नेपाल खाद्य संस्थान मार्तडी बाजुराको कार्यालयमा निषेधाज्ञाको उल्लङ्घन हुन थालेको हो । मंगलबार बिहान मात्रै नेपाल खाद्य संस्थान बाजुराले नेपाल सरकारले तोके अनुसार २० प्रतिशत छुटमा चामल बिक्री वितरण गरेपछि करिब २ सय बढी स्थानियको घुइँचो बनाएको एक दर्शकले बताएका छन् । यसरी भिडभाडमा बाक्लाे मान्छेकाे लाईन लागेर खाँदिएकाे अबस्थामा सुरक्षाकर्मीहरु भने दुई मिटरकाे दुरीमा बसाउन ब्यबस्थापन तिर लाग्नुकाे ठाँउमा माैन रहेर बसेकाे पाईएकाे छ ।
