388 पटक पढिएको
बाजुरा:यहीँ भाद्र ५ गते देखि निरन्तर आएको अविरल वर्षाका कारण हिमाली गाउँपालिका वडा न । ३ गुम्बा गाउँमा दुई घरपरिवार पहिरोबाट विस्थापित भएका छन् । वर्षातका कारण बिद्यालय भवन संगै खानेपानीका मुहानहरुमा समेत क्षती गरेको जिल्ला प्रहरी कार्यालय बाजुराले जानकारी दिएको छ ।
जिल्ला प्रहरी कार्यालय बाजुराले दिएको जानकारी अनुसार हिमाली गाउँपालिका वडा न । ३ गुम्बागाउँका स्थानीय डोमा गुरुङको २ तले ४ कोठे खरले छाएको घर भत्किएर पुर्ण रुपमा क्षेती भएको छ । घर भत्किएपछि घरभित्र रहेका सामानहरु छिमेकीको घरमा सारेको र उनको ४ जनाको परिवार रानिसैन पाटनमा पाल टाँगेर बस्दै आएका छन् ।यस्तै अर्का स्थानीय ईन्द्र गुरुङको २ तले ४ कोठे टिनले छाएको घर पनि भत्किएको छ । घर भत्किएर पुर्ण रुपमा क्षेती भएपछि उनको घरभित्रका सामान पनि छिमेकीको घरमा सारिएको र उनको ५ जनाको परिवार पनि पाल टाँगेर बस्दै आएका छन् । यस्तै नागार्चिङ खोला र कवाडी नदिले हिमालभक्ति आधारभुत बिध्यालयको १ तले ४ कोठे टिनले छाएको बिद्यालय भवन पनि उच्च जोखिममा रहेको जिल्ला प्रहरी कार्यालय बाजुराका प्रहरी प्रमुख डिएसपी कबिन्द्र बोहराले घटनास्थलतर्फ खटिएको प्रहरीको भनाइलाई उदृद गर्दै बताएका छन् ।
उनका अनुसार अन्य स्थानीय जगत लामा ,छेवाङ लामा ,छिरिङ दोर्जे लामा , पेमा सञ्जिङ लामा ,तिलक सिह थापा ,जंग थापा र सोजङ थापाको घरहरु पहिरोको उच्च जोखिममा रहेको तर जोखिम मोलेर भएपनि सोही घरमा बस्दै आएको खबर प्राप्त भएको उनले जाकारि दिएका छन ।यो संगै नागार्चिङ खोला र कवाडी नदिले गुम्बा गाउँको सयुंक्त खानेपानीको मुहान सामुहिक आधुनिक पानिघट्ट स्थित रहेको नागार्चिङ खोलाले बगाएर पुर्ण रुपमा क्षती भएको जिल्ला प्रहरी कार्यालय बाजुराले जनाएको छ ।यस्तै सोही गाउँमा रहेको ईसिडी बिद्यालयको १ तले १ कोठे भवन भत्किएर पुर्ण रुपमा क्षती भएको बताइएको छ । सो ठाउँमा घटना घटेको बारे यहीँ भाद्र ९ गते बिहान १० स्थानीयले प्रहरीलाई जानकारी गराएका थिए । जानकारी पश्चात् १० गते प्रहरी सहायक निरीक्षक धन सिह धामीको कमाण्ड्मा ५ जनाको टोली खटिएको थियो । प्रहरी चौकी बिच्छ्याबाट प्रहरीलो टोली खटाइएको हो । प्रहरीको टोली घटना स्थल पुग्न मात्र स्थान १२ घण्टा लागेको बताइएको छ ।
यो वर्षको मनसुन सुरु भएपछि बाजुराका विभिन्न ठाउँमा बाढी पहिरोका कारण भौतिक एवम् मानवीय क्षती भएको छ । हिमाली गाँउपालिकामा यो मनसुन सुरु भएपछि मात्रै १२ घर परिवार पुर्ण रुपमा विस्थापित भएका छन् । हरेक वर्ष बाढी पहिरोका कारण भौतिक रुपमा धनजनको मात्र नभैइ मानवीय क्षती समेत हुँदै आएको छ ।
